Túrkistanda 3 mlrd teńgeden asa biýdjet qarajatyn jymqyrǵan uiymdasqan qylmystyq toptyń 27 múshesi sottaldy, dep habarlaidy dalanews.kz.
Olardyń árqaisyna 6 jyldan 8 jylǵa deiin bas bostandyǵynan aiyrý jazasy taǵaiyndaldy. Qarjylyq monitoring agenttiginiń Túrkistan oblysy boiynsha departamenti 2016-2021 jyldary "KT Iassy Nesie" JShS basshylyǵy iri qara mal satyp alýǵa arnalǵan agrobiznesti qoldaý baǵdarlamasy aiasynda bólingen qarajatty jymqyrǵanyn anyqtady.
Nesie alý maqsatynda jalǵan tulǵalardyń atyna jalǵan sharýa qojalyqtary men jeke kásipkerlik tirkelgen. Ótinimderge qoldan jasalǵan biznes-josparlar, qujattar jáne is júzinde joq kepil múlki qosa usynylǵan.
Tergeý barysynda 33 qylmystyq quqyqbuzýshylyq deregi anyqtalǵan. 24 jalǵan nesie rásimdelip, kepil retinde is júzinde joq 54 nysan usynylǵan. Sot sheshimimen memleket kirisine 19 turǵyn úi, 10 jer ýchaskesi, 2 páter, 4 kommertsiialyq úi-jai jáne 4 kólik tárkilendi.
Sot úkimi zańdy kúshine engen joq.
