Munaı baǵasy beısenbide sál tómendedi. Halyqaralyq sarapshylar oǵan Saýd Arabıasynyń óndiristi ulǵaıtý josparyna qatysty aqparat túrtki ekenin aıtady. Sol sekildi baǵanyń qubylýyna Lıvıadaǵy az-ahýal da áser etken,dep habarlaıdy Dalanews.kz.
Londondaǵy ICE Futures bırjasynda qarasha aıyndaǵy Brent markaly munaıdyń bir barreliniń quny 71,92 dollardy qurady, bul - aldyńǵy kúngi naryqtaǵy baǵadan 2,1%-ǵa tómen. Nú-Iork taýar bırjasynda (NYMEX) saýda-sattyq kezinde WTI munaı kelisimsharttarynyń qarasha aıyndaǵy bir barreliniń baǵasy 68,19 dollarǵa deıin, ıaǵnı 2,15%-ǵa tómendedi.
Saýd Arabıasy munaıdyń bir barreli 100 dollar degen maqsatty kólemnen bas tartýǵa jáne óndiristi ulǵaıtýǵa daıyn, dep jazady Financial Times óz derekkózderine silteme jasaı otyryp.
Máselen,Brent markasyndaǵy munaıdyń bir barreliniń ortasha baǵasy 2022 jyly 99 dollardy qurasa, qazirgi ýaqytta ol 72 dollarmen saýdalanyp júr. Al 2025-2027 jyldarǵa arnalǵan QR búdjeti ortasha baǵaǵa súıene otyryp, 75 dollarmen eseptelgen. Eger saýdıalyqtar, shynymen de, FT jazǵandaı, "munaı baǵasyn tómendetýge kelisse" jáne óndiristi arttyrýǵa daıyn bolsa, demek olar naryqtaǵy úlesin joǵaltpaýǵa tyrysady. Bul baǵanyń odan ári tómendeýine ákelip soǵýy múmkin. Árıne, bul óz kezeginde Qazaqstan úshin jaǵymsyz jańalyq.
Bul - munaıǵa qatysty búgingi aqparat. Al valúta baǵamdary týraly málimet kelesideı: QR Ulttyq banktiń resmı málimeti boıynsha, 27 qyrkúıekte dollar baǵamy – 478,54 teńge, evro – 533,76 teńge, rúbl – 5,17 teńge bolyp bekitildi.
Astana, Almaty jáne Shymkent qalalaryndaǵy aqsha aıyrbastaý pýnktterindegi valútalardyń ortasha baǵamy tómendegideı:
Astana
1 AQSH dollary:
Satý – 477 teńge, satyp alý – 481 teńge
1 Evro:
Satý – 529 teńge, satyp alý – 535 teńge
1 rúbl:
Satý – 5,13 teńge, satyp alý -5,23 teńge
Almaty
1 AQSH dollary:
Satý - 478,8 teńge, satyp alý – 479,8 teńge
1 Evro:
Satý – 532,2 teńge, satyp alý – 535,5 teńge
1 rúbl:
Satý – 5,15 teńge, satyp alý -5,19 teńge
Shymkent
1 AQSH dollary:
Satý - 479 teńge, satyp alý – 480 teńge
1 Evro:
Satý – 534 teńge, satyp alý – 536 teńge
1 rúbl:
Satý – 5,14 teńge, satyp alý -5,16 teńge
(aqparat Astana ýaqyty boıynsha saǵat 11-00-de kurs.kz saıtynan alyndy ári bul arada baǵa valúta satýshy taraptyń negizinde kórsetilgen)
