Sınoptıkter 27 qańtarǵa arnalǵan aýa raıy boljamyn jarıalady, dep habarlaıdy Dalanews.kz.

 

Qazgıdromet málimetinshe, el aýmaǵynda aýa raıy árkelki qalyptasady, al keıbir óńirlerde jylymyq baıqalsa, endi bir aımaqtarda aıaz kúsheıe túsedi:

 

Sıklonnyń yqpalymen ońtústik jáne ońtústik-shyǵys óńirlerde aýa temperatýrasy birshama joǵarylaıdy: túnde 0-7°S-qa deıin, taýly aýdandarda –7–15°S shamasynda bolady, kúndiz +1+4°S-qa deıin kóteriledi. Bul aımaqtarda jańbyr men qar aralas jaýyn-shashyn túsýi múmkin.

 

Soltústik jáne ortalyq oblystarda aýa temperatýrasy túnde –20–30°S-qa deıin tómendep, aıaz saqtalady. Kúndiz –10–15°S shamasynda bolady, keı jerlerde qar jaýyp, boran soǵýy yqtımal.

 

Batys óńirlerde túnde aýa temperatýrasy –15–25°S-qa deıin, soltústik-batysta –20–30°S-qa deıin tómendeıdi. Bul aımaqtarda jel kúsheıip, tuman túsýi múmkin.

 

Sınoptıkter aýa raıynyń qubylmaly bolýyna baılanysty jolǵa shyǵatyn azamattardy saqtyq sharalaryn qatań saqtaýǵa shaqyrady.