2,6 mlrd teńgeniń aktsiiasy memleket menshigine qaitaryldy. Prokýratýra mán-jaidy aitty, dep habarlaidy Dalanews.kz.
Almaty prokýratýrasy quny 2,6 mlrd teńge turatyn "Baspalar úii" AQ 100% aktsiiasyn memleket menshigine qaitardy.
2016 jyly burynǵy Mádeniet jáne sport ministrligine tiesili bolǵan quny 2,6 mlrd teńgeniń aktsiiasyn jeke tulǵa arzandatylǵan baǵamen zańsyz jekeshelendirip alǵan.
"Memlekettiń múddelerin qorǵaý maqsatynda prokýratýra mámileni jaramsyz dep taný týraly sotqa talap-aryz berdi. Apelliatsiialyq satynyń qaýlysymen birinshi satydaǵy sottyń sheshimi ózgerissiz qaldy jáne zańdy kúshine endi", - dep jazylǵan habarlamada.
