Astana EKSPO-2017» ulttyq kompaniiasynyń burynǵy keńesshisi Aidos Espolov ustaldy, dep habarlaidy Dalanews.kz QazTAG-qa siltep.
Derekkózdiń aitýynsha, Espolov eki kún buryn Astanada Qarjy monitoringi agenttiginiń qyzmetkerleri jáne UQK-men birlesken shara barysynda qolǵa túsken.
Aidos Espolov – eks-prezident Nursultan Nazarbaevtyń úshinshi áieli Ásel Qurmanbaevanyń týǵan aǵasy. Ol «Eýraziialyq tehnologiialyq ýniversiteti» men «Alatau Asset Management Company» kompaniiasynyń quryltaishylarynyń biri retinde tanylǵan.
Eske salaiyq, 2025 jyldyń sáýir aiynyń sońynda Májilis depýtaty Ermurat Bápi «Astana EKSPO-2017» kompaniiasyndaǵy qarjy jymqyrý isine qatysty másele kótergen edi.
Ol kezde kompaniianyń burynǵy basqarma tóraǵasynyń orynbasary Murat Omarov bergen málimetter jariialanyp, Espolovtyń keńesshi qyzmetin atqarǵan kezinde para alǵany aitylǵan. Alaida ol istiń resmi figýranttary qatarynda «anyqtalmaǵan tulǵa» retinde ǵana kórsetilgen.
