Depýtat Ermurat Bapı Qazaqstannyń bolashaǵy jaıly boljamyn aıtty. Onyń pikirinshe, 2030 jyly soǵys oty tutanýy múmkin, dep habarlaıdy Dalanews.kz.

Májilis depýtaty Ermurat Bapı soǵys qaýpine qatysty qoıylǵan suraqtarǵa jaýap berip, qaýiptiń bar ekenin rastady.

"Mundaı qaýip bar. Bul týraly bizdiń qorǵanys salasyndaǵy vedomstvoda da osyndaı boljamdar jasalyp jatyr. Tipti álemdik sarapshylardyń pikirlerin eskermegenniń ózinde", - deıdi depýtat.

Depýtat bul aqparatty qaıdan alǵanyn, nege senimdi ekenin aıtty. 

"Birinshiden, soǵys qaýpine qatysty. Bul – meniń jeke pikirim emes. Bul – áskerı sarapshylardyń pikiri. Muny bizdiń qorǵanys vedomstvosyndaǵy otandyq mamandar da joqqa shyǵarmaıdy. Bul týraly qazir ashyq aıtyla bastady.

2030 jyly elimizde qandaı da bir lokaldy áskerı qaqtyǵystar bolýy múmkin degen boljam bar", - deıdi Bapı.