Aýylsharýashylyǵy ministrligi salyqtan bosatylatyn kólik quraldarynyń tizimin bekitti. Osy sipattaǵy buiryqqa 2025 jylǵy 18 qyrkúiekte qol qoiyldy. Ol 2026 jylǵy 1 qańtardan bastap kúshine enedi, dep jazady Dalanews.kz.
Sonymen aýyl sharýashylyǵy, balyq sharýashylyǵy ónimderin óndirýshi, sondai-aq sharýa nemese fermer qojalyqtarynyń basshylary men músheleri sipatyndaǵy zańdy tulǵalardyń óz aýylsharýashylyǵy óndirisinde qoldanatyn, biraq salyq salýǵa jatpaityn arnaiy kólik quraldarynyń tizimine mynalar jatady:
- sút pen sý tasymaldaýǵa arnalǵan tsisternalary bar aýylsharýashylyǵy maqsatyndaǵy kólikter;
- veterinariialyq qyzmettiń avtokólikteri men avtozoobiologiialyq zerthanalary;
- jem tasityn, júk tieitin, janar-jaǵarmai tasityn kólikter;
- tyńaitqysh sebetin jáne ushaqtarǵa himikattar tieýge arnalǵan mashinalar;
- shóp qattaityn, jem shashatyn arnaiy tehnikalar;
- ózi júretin destelegish;
- aýyl sharýashylyǵyna arnalǵan AN-2 ushaǵy;
- astyq oratyn, jem-shóp jinaityn jáne ózge de arnaiy kombaindar;
- traktorlar, ózi júretin shóp shapqyshtar;
- aýylsharýashylyǵy tehnikasyn jóndeýge jáne tehnikalyq qyzmet kórsetýge arnalǵan mashinalar.
- saman jinaityn tehnika;
- qazyp, terip, orýǵa arnalǵan kombaindar (kartop, qyzanaq, jasyl burshaq, maqta jáne ózge de aýylsharýashylyǵy ónimderi).
Osylaisha, 2026 jyldyń 1 qańtarynan bastap atalǵan arnaiy tehnika túrleri salyq salýǵa jatpaidy dep tanylady.
Buǵan deiin 2026 jylǵy 1 qańtardan bastap óz kúshine enetin jańa Salyq kodeksi boiynsha arnaiy salyq rejimi – jeńildetilgen deklaratsiia negizinde jumys istei alatyn jáne tyiym salynǵan qyzmet túrleriniń tizimin jariialaǵan bolatynbyz.
