2025 jyly Qazaqstanda jańa jeńil jáne kommertsiialyq avtokólikter naryǵy aitarlyqtai ósim kórsetti. «Qazaqstannyń Avtokólik Odaǵynyń» (QAO) dereginshe, qańtar–jeltoqsan ailary aralyǵynda elde 234 852 jańa avtokólik satylǵan. Bul kórsetkish 2024 jylmen salystyrǵanda 14,4 paiyzǵa kóp, dep habarlaidy Dalanews.kz.
2025 jylǵy eń kóp satylǵan avtokólik brendteri
Jyl qorytyndysy boiynsha Qazaqstandaǵy avtonaryqta kóshbasshylyqty Hyundai brendi saqtap qaldy.
Top-5 brend:
• Hyundai – 50 868 avtokólik
• Chevrolet – 38 880
• Kia – 23 402
• Chery – 14 570
• Jetour – 14 507
Alǵashqy úshtikke Ońtústik Koreia jáne amerikalyq brendter ense, qytailyq óndirýshiler satylym kólemi boiynsha olardyń ókshesin basyp keledi.
Qazaqstanda eń kóp satylǵan avtokólik modelderi
2025 jyly qazaqstandyqtar arasynda eń joǵary suranysqa ie model Chevrolet Cobalt boldy.
Top-10 model:
1. Chevrolet Cobalt – 31 082
2. Hyundai Tucson – 20 697
3. Kia Sportage – 10 988
4. Hyundai Mufasa – 8 203
5. Hyundai Elantra – 7 867
6. Hyundai Santa Fe – 5 764
7. Chevrolet Onix – 5 732
8. Changan CS55 Plus – 5 558
9. Chery Tiggo 2 – 5 278
10. JAC S3 – 5 130
Keibir modelderdiń pozitsiiasy 2024 jylmen salystyrǵanda jaqsarǵany da baiqalady.
Naryqtaǵy negizgi úrdister
2025 jylǵy statistika birneshe negizgi tendentsiiany kórsetti:
• Hyundai brendiniń naryqtaǵy jetekshiligi saqtaldy;
• Chevrolet Cobalt biýdjet segmentindegi eń suranysqa ie model bolyp qaldy;
• Qytailyq avtokólikter satylym boiynsha turaqty ósim kórsetti;
• Krossover segmentine degen qyzyǵýshylyq joǵary deńgeide qaldy.
