Belgradta QR Kólik vitse-ministri Talǵat Lastaev pen Serbiia Respýblikasynyń Qurylys, kólik jáne infraqurylym ministri Aleksandra Sofronievich hanymnyń arasynda eki el astanalary arasynda áýe qatynasyn ashý máselesi boiynsha kelissózder ótti, dep habarlaidy Dalanews.kz.
Sonymen qatar, Serbiia Respýblikasynyń Týrizm jáne jastar isteri jónindegi ministriniń orynbasary V. Rakich hanymmen kezdesý ótti.
"Kelissózderge Qazaqstan tarapynan "SCAT" áýe kompaniiasynyń basshylyǵy men týristik kompaniialardyń ókilderi qatysty. Kezdesý barysynda taraptar aǵymdaǵy jyldyń sońyna deiin Astana men Belgrad (Serbiia Respýblikasy) arasynda áýe qatynasyn, sonyń ishinde "áýe erkindigi" besinshi dárejesin paidalaný arqyly ashý máselesin talqylady", delingen ministrlik habarlamasynda.
Buǵan deiin saitymyzda Royal Jordanian Iordaniiadan Qazaqstanǵa tikelei áýe reisterin ashqaly jatqanyn habarlaǵanbyz.
