بەلگرادتا ق ر كولىك ۆيسە-مينيسترى تالعات لاستايەۆ پەن سەربيا رەسپۋبليكاسىنىڭ قۇرىلىس، كولىك جانە ينفراقۇرىلىم ءمينيسترى الەكساندرا سوفرونييەۆيچ حانىمنىڭ اراسىندا ەكى ەل استانالارى اراسىندا اۋە قاتىناسىن اشۋ ماسەلەسى بويىنشا كەلىسسوزدەر ءوتتى، دەپ حابارلايدى Dalanews.kz.
سونىمەن قاتار، سەربيا رەسپۋبليكاسىنىڭ تۋريزم جانە جاستار ىستەرى جونىندەگى ءمينيسترىنىڭ ورىنباسارى ۆ. راكيچ حانىممەن كەزدەسۋ ءوتتى.
"كەلىسسوزدەرگە قازاقستان تاراپىنان "SCAT" اۋە كومپانياسىنىڭ باسشىلىعى مەن تۋريستىك كومپانيالاردىڭ وكىلدەرى قاتىستى. كەزدەسۋ بارىسىندا تاراپتار اعىمداعى جىلدىڭ سوڭىنا دەيىن استانا مەن بەلگراد (سەربيا رەسپۋبليكاسى) اراسىندا اۋە قاتىناسىن، سونىڭ ىشىندە "اۋە ەركىندىگى" بەسىنشى دارەجەسىن پايدالانۋ ارقىلى اشۋ ماسەلەسىن تالقىلادى"، دەلىنگەن مينيسترلىك حابارلاماسىندا.
بۇعان دەيىن سايتىمىزدا Royal Jordanian يوردانيادان قازاقستانعا تىكەلەي اۋە رەيستەرىن اشقالى جاتقانىن حابارلاعانبىز.
