2025 jyly Almatyda biznesti sýbsidiialaý, kepildendirý jáne nesieleýge biýdjetten 70 mlrd teńge baǵyttaldy. Onyń ishinde jergilikti biýdjetten – 52,8 mlrd teńge, respýblikalyq biýdjetten – 17,2 mlrd teńge bólindi. Bul týraly Almatynyń Kásipkerlik jáne investitsiialar basqarmasy málim etti, dep habarlaidy Dalanews.kz
2025 jyldyń 1 naýryzyna deiin jalpy nesie somasy 18,8 mlrd teńge bolatyn 197 joba qoldaý tapty. Biryńǵai keshendi baǵdarlama aiasynda sýbsidiialaý jáne kepildendirý quraldary arqyly 16,6 mlrd teńgege 135 joba qarjylandyryldy. Onyń ishinde sýbsidiialaý úshin 30 mlrd teńge baǵyttalyp, 100 joba 14,8 mlrd teńgege qoldaý aldy.
Kepildendirý quralyna bólingen qarjy kólemi 1,6 mlrd teńge boldy, 35 joba – 1,8 mlrd teńgege qarjylandyryldy. Granttarǵa 200 mln teńge bólinip, baiqaý 2025 jyldyń sońyna deiin ótkiziledi.
Jalpy alǵanda, 2025 jyly sýbsidiialaý jáne kepildendirý quraldary arqyly Biryńǵai keshendi baǵdarlamanyń biýdjeti 31,8 mlrd teńge boldy.
«Almaty Biznes – 2025» óńirlik baǵdarlamasy aiasynda biyl burynǵy kezeńniń revolverlik qarajattary esebinen jobalar qarjylandyrylýda. Jalpy nesie somasy 0,3 mlrd teńge bolatyn 8 joba qarjylandyryldy.
Sondai-aq, «Damý» qorymen birlesip, Jana Business óńirlik baǵdarlamasy aiasynda 100 mln teńgege deiin jeńildetilgen nesieler beriledi. Onyń ishinde shaǵyn ónerkásiptik parkter úshin – 500 mln teńgege deiin, nesie merzimi – 7 jylǵa deiin, paiyzdyq mólsherleme – 7%.
Saýda operatsiialarynyń tiimdiligin arttyrý maqsatynda Jana Business baǵdarlamasy jyldyq 9,5% mólsherlememen faktoringtik mámilelerdi qarjylandyrý múmkindigin qarastyrady. Jana Business baǵdarlamasy aiasynda jyl basynan beri jalpy somasy 1,9 mlrd teńge bolatyn 54 jobaǵa qoldaý kórsetildi.
