2025 jylǵa deiin Jetisýdyń shalǵai aýyldarynda 109 meditsinalyq nysan salynady
Meditsinalyq qyzmettiń qoljetimdi bolýy jáne 2025 jylǵa deiin shalǵai eldi mekenderdi de tolyq qamtý úshin 109 nysan salý kózdelgen, sonyń 23-i biyl salynady, sol qatarda 20 blokty-modýldi medpýnktter de bar. Bul jaiynda Almaty oblysynyń ákimi Amandyq Batalov Nur-Sultan qalasynda ótkizgen brifingi kezinde aitty, – dep habarlaidy Dalanews.kz Almaty oblysy ákiminiń baspasóz qyzmetine silteme jasap.
Spikerdiń aitýynsha, densaýlyq saqtaý salasynda 2020-2021 jyldary koronavirýspen kúres sharalaryna jergilikti biýdjetten 14 mlrd. teńge bólindi. Taldyqorǵan qalasynda qysqa merzimde 200 oryndyq modýldi infektsiialyq aýrýhana salyndy.
3 tomograf, 18 rentgen-apparat, 219 IVL, 180 jedel járdem mashinasy, 12 jyljymaly meditsinalyq keshen satyp alyndy. «Sonyń nátijesinde meditsinalyq qural-jabdyqtarmen jáne sanitarlyq avtokólikpen qamtamasyz etý deńgeii 90% kóterildi», - dedi A.Batalov.
Sondai-aq baiandamashy qazirgi kezde halyqqa vaktsina egý jumystarynyń belsendi júrip jatqanyn, 410 myń doza vaktsina alynǵanyn aitty. Birinshi komponenti 211 myń adamǵa, ekinshi komponenti 119 myń adamǵa salynǵan. Oblysta barlyǵy 1,1 mln adamdy qamý josparlanǵan.
