2025 jyldyń qańtar-sáýir ailarynyń qorytyndysy boiynsha, elimizdiń JIÓ ósimi 6%-dy qurady. Ekonomikanyń negizgi salalary - kólik (22,4%), saýdanyń (7%) damý qarqynynyń artqany baiqalady. Ósim aýylsharýashylyǵy (3,9%) jáne bailanys (2,6%) salalarynda da tirkeldi, dep habarlaidy Dalanews.kz.
Ulttyq ekonomika ministrligi baspasóz qyzmetiniń málimetinshe, kólik salasyndaǵy ósim salanyń jalpy kólemindegi úlesteri tiisinshe 20,5% jáne 19,6%-dy quraityn temir jol jáne qubyr kóligimen júkterdi tasymaldaý jónindegi qyzmetter kóleminiń ulǵaiýy esebinen qamtamasyz etildi. Joǵary dinamika Túrkistan (21,8%), Jambyl (11,2%) jáne Abai (14,9%) oblystarynda tirkeldi.
Qurylys salasynda naqty jumys kóleminiń indeksi 16,2%-dy qurady. Sonymen qatar qurylys kezeńin eskere otyryp, jumystardy oryndaý qarqynyn arttyrý jáne jobalar qunynyń ósýine jol bermeý úshin jergilikti jerlerde qajetti úilestirýdi qamtamasyz etý tapsyryldy.
Saýda salasy birinshi toqsandaǵy 6,3%-ǵa qaraǵanda 7% turaqty ósýdi kórsetti. Kóterme saýda kórsetkishi 7,4%-ǵa, bólshek saýda kórsetkishi 6,1%-ǵa deiin ósti. Birqatar óńirler: Túrkistan oblysy – jemisterdi, kókónisterdi, farmatsevtikalyq taýarlardy satatyn kásiporyndar esebinen 60,4%; Aqmola oblysy – astyqty, tuqymdardy jáne mal azyǵyn satatyn kásiporyndardyń arqasynda 44%; Shymkent – dizel otynyn, farmatsevtikalyq taýarlardy, qara jáne tústi metaldardyń synyqtary men qaldyqtardy satatyn kásiporyndar esebinen 19,8%-ǵa joǵary ósimdi kórsetti.
Ónerkásipte óndiris indeksi 6,4% jetti. Ósim taý-ken sektorynda – 7,1%, atap aitqanda kómir óndirýdi ulǵaitý esebinen (11,2%) baiqalyp otyr. Óńdeý ónerkásibinde kórsetkish 7,2% quraidy, onyń ishinde tamaq ónimderin óńdeý (12%), temeki ónimderin (26,3%), himiialyq ónimderdi óndirý (11,2%) jáne mashina jasaý (11,2%).
Aýyl sharýashylyǵy oń dinamikany kórsetýde. Jalpy ónim indeksi qańtar-sáýir ailarynda 3,9%-dy qurady.
"Úkimet Prezidenttiń elimizdiń ornyqty áleýmettik-ekonomikalyq damýyn qamtamasyz etý jónindegi tapsyrmalarynyń sapaly iske asyrylýyn baqylaýda ustaidy", delingen ministrlik habarlamasynda.
Buǵan deiin Dúniejúzilik banktiń sáýir aiynda jariialanǵan "Jahandyq ekonomikalyq perspektivalar" atty baiandamasyndaǵy Qazaqstanǵa qatysty boljamyn jariialaǵan bolatynbyz.Oǵan sáikes, 2025 jyly Qazaqstannyń JIÓ ósimi 4,5%, 2026 jyly 3,6% bolady dep boljanady.
