QR Ulttyq Bank tóraǵasy Timýr Súleimenov búgin arnaiy ótken brifing barysynda bazalyq mólsherleme kólemin ósirýleri múmkin ekenin aitty. Ony 16,5% deńgeiinde ustap turý óte qiyn kórinedi, dep habarlaidy Dalanews.kz.
Búgin Ulttyq Banktiń Aqsha-nesie saiasaty jónindegi komiteti bazalyq mólsherlemeni 16,5% deńgeiinde ózgerissiz qaldyrý týraly sheshim qabyldady.
"Bizdiń boljamdarymyzǵa keletin bolsaq, bazalyq mólsherleme kem degende 2025 jyl boiynda osy deńgeide saqtalýy tiis. Bul boljamdar modeldik tájiribege súienip jasalǵany, kóptegen nárse, sonyń ishinde elimizdiń ekonomikasyndaǵy, sol sekildi syrtqy makroekonomikalyq jaǵdai da alda ózgeretini anyq. Biraq ázirge, búginge deiingi boljamdarǵa sai bazalyq mólsherleme 2025 jyl barysynda osyndai deńgeide bolady nemese qatańdatý turǵysynda qaita qarastyrylýy da múmkin dep boljanýda", – dedi Timýr Súleimenov.
Aita ketsek, Ulttyq Bank 2025-2026 jyldarǵa arnalǵan infliatsiia boiynsha boljamdy nasharlatý turǵysynda qaita qaraǵan bolatyn. Oǵan sáikes, 2025 jyly infliatsiia 10,5–12,5%, 2026 jyly 9,5–11,5% deńgeiinde bolady dep kútiledi. 5,5–7,5%- ǵa deiin tómendeý tek 2027 jylǵa qarai oryn alýy múmkin ekeni aitylady, onda da aqsha-nesie saiasatyn tejeý jáne biýdjettik qoldaýdyń qysqarýy jaǵdaiynda. Boljamdy qaita qaraýǵa azyq-túliktiń álemdik naryqtaǵy baǵalarynyń ósýi, ishki suranystyń kúsheiýi, munai baǵasynyń tómendeýi jáne syrtqy infliatsiianyń ósimi túrtki bolǵany aitylady. Qaýip-qater táýekelderi qataryna JJM baǵasyndaǵy belsendilik, retteletin tarifterdiń ósimi jáne salyq saiasatyndaǵy ózgerister jatqyzylady.
