Ýranǵa arnalǵan paidaly qazbalardy óndirý salyǵynyń mólsherlemesi ózgeredi. Bul týraly Memlekettik kirister departamenti habarlady.
«QR Salyq kodeksiniń 746-babynyń 1-tarmaǵyna «Salyq jáne biýdjetke tólenetin basqa da mindetti tólemder týraly» «Qazaqstan Respýblikasynyń Kodeksine ózgerister men tolyqtyrýlar engizý týraly» 2024 jylǵy 1 shildedegi №105-VIII ózgerister engizildi. Onda ekonomikanyń taý-ken metallýrgiia sektorynyń jer qoinaýyn paidalanýshylar úshin óndirilgen ýranǵa paidaly qazbalardy óndirýge salynatyn salyq mólsherlemelerin (PQÓS) 2 kezeńmen arttyrýdy kózdeidi», - delingen habarlamada.
2025 jylǵy 1 qańtardan bastap óndirilgen ýranǵa arnalǵan paidaly qazbalardy óńderýge salynatyn salyq mólsherlemesi 6 paiyzdan 9 paiyzǵa artady. Budan keiin 2026 jylǵy 1 qańtardan bastap jyldyq óndirý kólemine jáne ýrannyń ortasha ólshengen baǵasyna bailanysty ýranǵa saralanǵan mólsherlemeler engiziledi.
