2025 jyldan bastap HR Enbek portalyna tirkelgen qoldanýshylar burynǵy basshylary nemese qyzmetkerleri týraly pikir qaldyra alady, dep habarlaıdy Dalanews.kz.
Jumystan ketkender ǵana emes, áli sol jerde jumys istep júrgender de pikir jazýǵa múmkindik alady. Sol sıaqty, jumys berýshiler de qazirgi nemese burynǵy qyzmetkerleri týraly óz oılaryn qaldyra alady.
"Qoldanýshylar bes juldyz shkalasy boıynsha baǵa bere alady nemese mátin túrinde pikir jaza alady. Ol úshin portalǵa elektrondy sıfrlyq qoltańba arqyly kirý qajet. Saıtta eki bólim qarastyrylǵan: "Meniń pikirlerim" jáne "Men týraly pikirler". Eskerte keteıik, qyzmetker men jumys berýshi bir-biri týraly tek bir pikir qaldyra alady", – dep habarlady Eńbek jáne halyqty áleýmettik qorǵaý mınıstrliginiń baspasóz qyzmeti.
Bul pikirler Enbek.kz elektrondy eńbek bırjasynyń portalynda 2025 jyldan bastap jarıalanady.
