Quzyrly vedomstvo Qazaqstan munaiynyń Italiia, Niderlandy, Qytai, Koreia Respýblikasy, Rýmyniia, Frantsiia, Gretsiia, Túrkiia, Singapýr, Germaniia jáne taǵy basqa elderge eksporttalatynyn naqtylaidy.
"2024 jyldyń 10 aiynyń qorytyndysy boiynsha magistraldyq munai qubyrlary júiesi boiynsha munaidy tasymaldaý kólemi 57,8 mln tonnany qurady. Tasymaldanatyn munaidyń 26%-dan astamy nemese 15,1 mln tonna otandyq MÓZ-ge jetkizildi", delingen QR Energetika ministrligi habarlamasynda
Sondai-aq Energetika ministrligi munai tasymaly boiynsha basty kórsetkishterdi atady:
- Kaspii qubyr konsortsiýmynyń qubyry arqyly shamamen 46,3 mln tonna munai tasymaldandy.
- "Atyraý-Samara" ýchaskesi boiynsha munai tasymaldaý kólemi shamamen 7,2 mln tonnany qurady.
- 2024 jyldyń qańtar-qazan ailarynda Germaniiaǵa 1,2 mln tonna qazaqstandyq munai jiberildi.
10 aidyń qorytyndysy boiynsha Aqtaý portynan 3,1 mln tonnadan astam munai tasymaldandy, onyń ishinde:
- Mahachkala portynyń baǵyty boiynsha 1,6 mln tonna;
- "Baký – Tbilisi – Jeihan" munai qubyry baǵytynda 1,2 mln tonna jóneltildi.
"Atasý – Alashańqai" munai qubyrynyń baǵyty boiynsha 1 mln tonnadan astam munai tasymaldaý júzege asyryldy.
Sondai-aq 10 aidyń qorytyndysy boiynsha QR aýmaǵy arqyly munai tranziti 8,4 mln.tonnany qurady, onyń ishinde:
- Resei Federatsiiasy – Qytai Halyq Respýblikasy baǵyty boiynsha 8,2 mln tonna,
- Resei Federatsiiasy - Ózbekstan Respýblikasy 217 tonna munai.
Aita ketsek,munai óndirýde Qazaqstan OPEK+ kvotasyn buzyp, qaita-qaita artyq óndirgen "qara altyn" kólemin ai saiynǵy óndiristen qysqartýǵa májbúr bolǵanyn, alaida óz aldyna qoiylǵan mindettemelerdi tolyqqandy sol kúiinde atqara almai otyrǵanyn jazǵan bolatynbyz. Jaǵdai osylai qalyptasa berse, sarapshylar jaǵdai qiyn bolatynyn aitqan bolatyn.
