2024 jyly Eýropalyq qaita qurý jáne damý banki (EQDB) Qazaqstanǵa salatyn jylǵy saiynǵy investitsiialar kólemin úsh eseden astamǵa ulǵaitty. 913 mln evro (935 mln dollar) somasyna 25 jobanyń sharttaryna qol qoiyldy. Investitsiialardyń 61% "jasyl" ekonomika jobalaryn qoldaýǵa baǵyttaldy, dep jazady Dalanews.kz.
Olardyń arasynda elimizde jáne Ortalyq Aziiada alǵash ret tirkelgen birneshe joba da bar, dep habarlaidy banktiń baspasóz qyzmetine silteme jasai otyryp Kapital.kz.
Atap aitqanda, olar:
- banktiń 96,4 mln evro mólsherindegi táýelsiz boryshy búgingi tańda Ortalyq Aziiadaǵy EQDB-nyń iri jobasy bolyp sanalatyn Aqtóbedegi jańa tazartý nysany men oǵan qosymsha infraqurylymdar qurylysy;
- áleýmettik infraqurylym sektorda EQDB memlekettik-jekemenshik áriptestigindegi Qazaqstan men Ortalyq Aziiadaǵy alǵashqy iri jobany qoldady. Ol boiynsha Kókshetaýda 630 oryndyq kópsalaly aýrýhanany salý men qoldanysqa berý úshin alty qardy uiymyna 365 mln evro kóleminde qarjylandyrý paketi usynyldy.
- EQDB Ortalyq Aziiadaǵy mańyzdy shikizat resýrstary sektorynda jumys isteitin kompaniianyń aktsionerlik kapitalyna alǵash ret tikelei investitsiia saldy. Avstraliianyń qor birjasynda tirkelgen, Qaraǵandy qalasyndaǵy grafit ken ornyn barlaýmen ainalysatyn Sarytogan Graphite Limited kompaniiasynyń 17,36% aktsiiasy satyp alyndy.
- bank elimizdegi ishinara júrgizilgen jekeshelendirý sharasyn jariia ornalastyrý arqyly Air Astana ulttyq aviakompaniiasy aktsiiasyna 42 mln dollar (38,1 mln eýro) investitsiialady.
Turaqty infraqurylym sektorynda EQDB elektr jelilerin basqarý (KEGOC) jónindegi qazaqstandyq kompaniiaǵa 252 mln evro usyndy. Joba Qazaqstannyń energiia júiesin úsh bólek elektr energetikasy júielerine bólýdi qarastyratyn tarihi máseleni sheshýge kómektesedi. Banktiń qarajaty Batys Qazaqstan energojúiesin eldiń biryńǵai energojúiesine qosýda elektr berýde kerneýi 500 kV, uzyndyǵy shamamen 600 shaqyrym bolatyn infraqurylymdy salýǵa jumsalady.
EQDB Ortalyq Aziiadaǵy ashana men tehnikalyq tuzdyń jetekshi qazaqstandyq óndirýshisi "Araltuz" AQ-tyń qyzmetin keńeitý týraly josparyn qoldap, 5,5 mlrd teńgeniń (11 mln evro) nesiesin berdi. "Araltuz" nesieni otandyq vakýýmdyq tuz óndirisin iske qosý jáne eksport qurylymyn ártaraptandyrýǵa baǵyttaidy.
"Qazaqstanda shaǵyn biznesti qoldaý men damytýǵa erekshe nazar aýdarylyp, Bank TsentrKredit, Shinhan Bank jáne KMF syndy otandyq qarjy institýttarynyń nesielik jelileri arqyly nesie usynyldy ",-dep habarlady baspasóz qyzmeti.
EQDB-nyń shaǵyn bizneske keńes berý baǵdarlamasy aiasynda 188 konsýltatsiialyq joba iske qosyldy. Olardyń jartysynan kóbisi kásipker áielderge berildi, al 60%-y Almaty men Astanadan tys óńirlerde iske qosyldy. Búkil elimiz boiynsha 7500-den astam kásipkerler mamandandyrylǵan treningterden ótip, tálimgerlik baǵdarlamalaryna jáne bilim almasý is-sharalaryna qatysty. Sonyń ishinde 6000 áiel kásipkerler "Áielder shaǵyn bizneste" jobasy aiasynda oqýdan ótti. Sonymen qatar EQDB onlain tálimgerlik platformasyn iske qosty.
Buǵan deiin saitymyzda "EQDB operatsiialary aimaǵyna Afrikanyń qosylýy: Qazaqstan jańa múmkindikterdi qarastyrýda" atty maqala jariialanǵan. Oǵan sáikes, Qazaqstan úshin Afrikany bank operatsiialary aimaǵyna qosý milliardtaǵan halqy bar elderdiń jobalarymen bailanys ornatýda jáne investitsiialardy júzege asyrýda jańa múmkindikterge jol ashady dep boljanady.
