2024 جىلى ەۋروپالىق قايتا قۇرۋ جانە دامۋ بانكى (ەقدب) قازاقستانعا سالاتىن جىلعى سايىنعى ينۆەستيسيالار كولەمىن ءۇش ەسەدەن استامعا ۇلعايتتى. 913 ملن ەۆرو (935 ملن دوللار) سوماسىنا 25 جوبانىڭ شارتتارىنا قول قويىلدى. ينۆەستيسيالاردىڭ 61% "جاسىل" ەكونوميكا جوبالارىن قولداۋعا باعىتتالدى، دەپ جازادى Dalanews.kz.
ولاردىڭ اراسىندا ەلىمىزدە جانە ورتالىق ازيادا العاش رەت تىركەلگەن بىرنەشە جوبا دا بار، دەپ حابارلايدى بانكتىڭ باسپا ءسوز قىزمەتىنە سىلتەمە جاساي وتىرىپ Kapital.kz.
اتاپ ايتقاندا، ولار:
- بانكتىڭ 96،4 ملن ەۆرو مولشەرىندەگى تاۋەلسىز بورىشى بۇگىنگى تاڭدا ورتالىق ازياداعى ەقدب-نىڭ ءىرى جوباسى بولىپ سانالاتىن اقتوبەدەگى جاڭا تازارتۋ نىسانى مەن وعان قوسىمشا ينفراقۇرىلىمدار قۇرىلىسى؛
- الەۋمەتتىك ينفراقۇرىلىم سەكتوردا ەقدب مەملەكەتتىك-جەكەمەنشىك ارىپتەستىگىندەگى قازاقستان مەن ورتالىق ازياداعى العاشقى ءىرى جوبانى قولدادى. ول بويىنشا كوكشەتاۋدا 630 ورىندىق كوپسالالى اۋرۋحانانى سالۋ مەن قولدانىسقا بەرۋ ءۇشىن التى قاردى ۇيىمىنا 365 ملن ەۆرو كولەمىندە قارجىلاندىرۋ پاكەتى ۇسىنىلدى.
- ەقدب ورتالىق ازياداعى ماڭىزدى شيكىزات رەسۋرستارى سەكتورىندا جۇمىس ىستەيتىن كومپانيانىڭ اكسيونەرلىك كاپيتالىنا العاش رەت تىكەلەي ينۆەستيسيا سالدى. اۆستراليانىڭ قور بيرجاسىندا تىركەلگەن، قاراعاندى قالاسىنداعى گرافيت كەن ورنىن بارلاۋمەن اينالىساتىن Sarytogan Graphite Limited كومپانياسىنىڭ 17،36% اكسياسى ساتىپ الىندى.
- بانك ەلىمىزدەگى ءىشىنارا جۇرگىزىلگەن جەكەشەلەندىرۋ شاراسىن جاريا ورنالاستىرۋ ارقىلى Air Astana ۇلتتىق اۆياكومپانياسى اكسياسىنا 42 ملن دوللار (38،1 ملن ەۋرو) ينۆەستيسيالادى.
تۇراقتى ينفراقۇرىلىم سەكتورىندا ەقدب ەلەكتر جەلىلەرىن باسقارۋ (KEGOC) جونىندەگى قازاقستاندىق كومپانياعا 252 ملن ەۆرو ۇسىندى. جوبا قازاقستاننىڭ ەنەرگيا جۇيەسىن ءۇش بولەك ەلەكتر ەنەرگەتيكاسى جۇيەلەرىنە ءبولۋدى قاراستىراتىن تاريحي ماسەلەنى شەشۋگە كومەكتەسەدى. بانكتىڭ قاراجاتى باتىس قازاقستان ەنەرگوجۇيەسىن ەلدىڭ ءبىرىڭعاي ەنەرگوجۇيەسىنە قوسۋدا ەلەكتر بەرۋدە كەرنەۋى 500 كۆ، ۇزىندىعى شامامەن 600 شاقىرىم بولاتىن ينفراقۇرىلىمدى سالۋعا جۇمسالادى.
ەقدب ورتالىق ازياداعى اسحانا مەن تەحنيكالىق تۇزدىڭ جەتەكشى قازاقستاندىق ءوندىرۋشىسى "ارالتۇز" اق-تىڭ قىزمەتىن كەڭەيتۋ تۋرالى جوسپارىن قولداپ، 5،5 ملرد تەڭگەنىڭ (11 ملن ەۆرو) نەسيەسىن بەردى. "ارالتۇز" نەسيەنى وتاندىق ۆاكۋۋمدىق تۇز ءوندىرىسىن ىسكە قوسۋ جانە ەكسپورت قۇرىلىمىن ءارتاراپتاندىرۋعا باعىتتايدى.
"قازاقستاندا شاعىن بيزنەستى قولداۋ مەن دامىتۋعا ەرەكشە نازار اۋدارىلىپ، بانك سەنتركرەديت، شينحان بانك جانە KMF سىندى وتاندىق قارجى ينستيتۋتتارىنىڭ نەسيەلىك جەلىلەرى ارقىلى نەسيە ۇسىنىلدى "،-دەپ حابارلادى باسپا ءسوز قىزمەتى.
ەقدب-نىڭ شاعىن بيزنەسكە كەڭەس بەرۋ باعدارلاماسى اياسىندا 188 كونسۋلتاسيالىق جوبا ىسكە قوسىلدى. ولاردىڭ جارتىسىنان كوبىسى كاسىپكەر ايەلدەرگە بەرىلدى، ال 60%-ى الماتى مەن استانادان تىس وڭىرلەردە ىسكە قوسىلدى. بۇكىل ەلىمىز بويىنشا 7500-دەن استام كاسىپكەرلەر مامانداندىرىلعان ترەنينگتەردەن ءوتىپ، تالىمگەرلىك باعدارلامالارىنا جانە ءبىلىم الماسۋ ءىس-شارالارىنا قاتىستى. سونىڭ ىشىندە 6000 ايەل كاسىپكەرلەر "ايەلدەر شاعىن بيزنەستە" جوباسى اياسىندا وقۋدان ءوتتى. سونىمەن قاتار ەقدب ونلاين تالىمگەرلىك پلاتفورماسىن ىسكە قوستى.
بۇعان دەيىن سايتىمىزدا "ەقدب وپەراسيالارى ايماعىنا افريكانىڭ قوسىلۋى: قازاقستان جاڭا مۇمكىندىكتەردى قاراستىرۋدا" اتتى ماقالا جاريالانعان. وعان سايكەس، قازاقستان ءۇشىن افريكانى بانك وپەراسيالارى ايماعىنا قوسۋ ميللياردتاعان حالقى بار ەلدەردىڭ جوبالارىمەن بايلانىس ورناتۋدا جانە ينۆەستيسيالاردى جۇزەگە اسىرۋدا جاڭا مۇمكىندىكتەرگە جول اشادى دەپ بولجانادى.
