AQSh dollary alda da qymbattap, 2025 jyly onyń baǵamy shamamen 500 teńgege deiin jetýi múmkin. Qazaqstan qarjygerleri qaýymdastyǵy naryq sarapshylary arasynda júrgizgen saýalnama nátijesi osyndai paiymdy alǵa tartady, dep habarlaidy Dalanews.kz.
"Qarasha aiynyń basyna qarai teńgege shaqqanda bir dollardyń baǵasy 481,3 teńge deńgeiinde turaqtaidy dep boljanady, al bir ai buryn ol 476,5 teńge bolady dep boljanǵan. Soǵan qaramastan 2024 jylǵy 9 qazandaǵy resmi baǵam 489,06 teńgege deiin jetti. Sonymen qatar, bir jyldan keiin ulttyq valiýta baǵamy 500 teńgege jýyqtaýy múmkin. Sarapshylar osy kezeńge deiin bir dollar baǵamy 498,4 teńge deńgeiinde saqtalady dep boljaidy", delingen Qazaqstan qarjygerleri qaýymdastyǵynyń (QQQ) qazan aiynda júrgizgen saýalnamasynda.
"Jergilikti valiýta naryǵyndaǵy balanstyń buzylýy qazaqstandyq kompaniialar men halyq tarapynan, onyń ishinde iri infraqurylymdyq jobalardy iske asyrý aiasynda shetel valiýtasyna degen suranystyń saqtalýymen, soǵan bailanysty valiýta túsimin konvertteý kóleminiń qysqarýymen bailanysty bolýy múmkin", delingen zertteýde.
Sonymen qatar, qarjy naryǵyna qatysýshylar infliatsiialyq boljamdy qaita qarastyrypty. Oǵan sáikes,12 aidan keiingi tutynys baǵasynyń ósimi 8,1% bolýy múmkin, al aldyńǵy boljamdaǵy deńgei 7,6% edi.
"Turǵyn úi kommýnaldyq sharýashylyǵy salasyndaǵy reforma sheńberinde tarifterdiń ósýi jáne fiskaldyq yntalandyrý kóleminiń artyp kele jatqany syndy Qazaqstan ekonomikasynda saqtalyp otyrǵan infliatsiialyq faktorlar tutyný baǵalaranyń indeksin (TBI) nysanaly mánine - 5%-ǵa qaitarý úshin Ulttyq bankti qatań monetarlyq sharttardy saqtaýǵa májbúrleidi. Demek, bir jyldan keiin bazalyq syiaqy mólsherlemesi 13% deńgeiinde bolady dep boljanady", - deidi sarapshylar.
Aita ketsek, qazirgi ýaqytta bazalyq syiaqy mólsherlemesi 14,25% quraidy. Osy aptada, 2024 jyly 11 qazanda Ulttyq bank osy kórsetkish boiynsha kezekti sheshimin jariialap qalýy tiis.
Qazaqstan qarjygerleri qaýymdastyǵy saýalnamaǵa qatysýshylar arasynda bazalyq syiaqy mólsherlemesiniń qazirgi deńgeii saqtalatynyn boljaǵandardyń úlesi 76%-ǵa deiin artqanyn basa atap ótti.
Sonymen, saýalnamaǵa qatysýshylar Taiaý Shyǵystaǵy qaqtyǵystyń kúsheiýi munai baǵasyndaǵy qubylmalyq sipaty uzaqqa saqtalatyndyn boljaidy.
"Olardyń paiymynsha, aldaǵy 12 aida munai baǵasynyń bir barreli 78,5 dollar bolýy múmkin, bul qazirgi deńgeiden asa kóp emes. Sonymen qatar, sarapshylar munaidyń baǵasynyń joǵary deńgeide saqtalýy, óndiris kólemin arttyrýdy josparlaý jáne fiskaldyq yntalandyrý eldegi ekonomikalyq belsendilikti qoldaidy dep boljaidy. Sondai-aq bir jyldan keiin JIÓ ósimi 4,4% bolýy múmkin", delingen sarapshylar boljamynda.
Aita ketsek, 10 qazanda Ulttyq ekonomika vitse-ministri Arman Qasenov teńgeniń qunsyzdanýyna negiz joq ekenin aitty. Sondai-aq ekonomikalyq sarapshy el azamattaryna dúrbeleńge salynyp, dollar satyp alýǵa asyqpaý kerektigin aityp, keńes berdi.
