2019 jyldyń qorytyndysy boiynsha resmi dilerler 71 417 kólikti satyp, buǵan deiingi jylmen salystyrǵanda kólik saýdasy 23,3 paiyzǵa ósken.
Esepti kezeńde qazaqstandyqtar jańa jeńil kólikterdi alýǵa 654,3 mlrd teńge jumsap, 2018 jylǵy deńgeiden 31,8 paiyzǵa artyq bolypty. Kólik satyp alýshy 42 205 adam (59,1 paiyzy) otandyq zaýyttardyń ónimine óz tańdaýyn jasaǵan.
Sonymen qatar, byltyrǵy 12 aida satylǵan 29 212 avtomobil (40,9 paiyzy) importqa tiesili bolyp otyr.
Atalǵan merzimde elimizde suranysy joǵary brendterdiń arasynda Lada kósh bastap tur. Respýblika aýmaǵynda reseilik markanyń 15 366 kóligi satylǵan.
Al sýdalanǵan Hyundai modelderiniń sany 14 853-ti qurady. Úshinshi orynǵa 14 197 kólik satqan Toyota shyqty. Sondai-aq, bul bestikke KIA (3 758 avtokólik) men Ravon (3 651) brendteri engen.
https://dalanews.kz/49677
