Oralmandardyń kópshiligi Qytaıdan – 41,5% (7 326 adam), Ózbekstannan – 40,1% (7 074 adam), Túrkmenstannan – 6,5% (1 152 adam), Monǵolıadan – 6,2% (1 095 adam), Reseıden – 1,8% (313 adam), 3,9% (701 adam) basqa elderden kelgen.
Sondaı-aq, syrttan kelgen qandastarymyzdyń basym kópshiligi Almaty – 38%, Mańǵystaý – 14% oblystaryna, Shymkent – 7% jáne Nur-Sultan – 6% qalalaryna qonystanǵanyn da aıta ketýimiz kerek.
Kelgen oralmandardyń jalpy sanynan eńbekke jaramdy jastaǵy adamdar 62,7%-dy (11 082 adam), eńbekke qabiletti jastaǵylar – 30,7%-dy (5 420 adam), zeınetkerler – 6,6%-dy (1 159 adam) quraıdy.
Eńbekke jaramdy jastaǵy oralmandardyń ishinen bilim deńgeıi boıynsha 13,6%-y joǵary bilimdi, 25,2%-y – orta arnaýly bilimdi, 46,7%-y – jalpy orta bilimdi, 14,5%-nyń bilimi joq.
2019 jylǵa QR Úkimeti 2 031 oralmandardy qabyldaýdyń óńirlik kvotasyn bekitip, ol bylaısha bólingen – Qostanaı oblysy boıynsha – 815, Pavlodar oblysy boıynsha – 550, Aqmola oblysy boıynsha – 306 adam, Shyǵys Qazaqstan oblysy boıynsha – 250, Soltústik Qazaqstan oblysy boıynsha – 110 adam.
Oralmandardy qabyldaýdyń óńirlik kvotasyna engizilgen adamdarǵa Nátıjeli jumyspen qamtýdy jáne jappaı kásipkerlikti damytýdyń 2017-2021 jyldarǵa arnalǵan «Eńbek» memlekettik baǵdarlamasyn iske asyrý sheńberinde sýbsıdıa berý túrinde qoldaý kórsetildi.
Sonymen qatar otbasynyń árbir múshesine 35 AEK (84,2 myń teńge) birjolǵy tólem; turǵyn úıdi jaldaý (jalǵa alý) jáne komýnaldyq qyzmetterge tóleý boıynsha shyǵystardy jabý úshin 12 aı boıy otbasyna 15-ten 30 AEK (36,1-den 72,2 myń teńge).
Esterińizge sala keteıik, 1991 jyldan 2020 jylǵy 1 qańtarǵa deıin 313 256 otbasy nemese 1 057 280 etnıkalyq qazaq tarıhı otanyna oralyp, oralman mártebesin alǵan bolatyn.
