ورالمانداردىڭ كٶپشٸلٸگٸ قىتايدان – 41,5% (7 326 ادام), ٶزبەكستاننان – 40,1% (7 074 ادام), تٷركمەنستاننان – 6,5% (1 152 ادام), مونعولييادان – 6,2% (1 095 ادام), رەسەيدەن – 1,8% (313 ادام), 3,9% (701 ادام) باسقا ەلدەردەن كەلگەن.
سونداي-اق, سىرتتان كەلگەن قانداستارىمىزدىڭ باسىم كٶپشٸلٸگٸ الماتى – 38%, ماڭعىستاۋ – 14% وبلىستارىنا, شىمكەنت – 7% جەنە نۇر-سۇلتان – 6% قالالارىنا قونىستانعانىن دا ايتا كەتۋٸمٸز كەرەك.
كەلگەن ورالمانداردىڭ جالپى سانىنان ەڭبەككە جارامدى جاستاعى ادامدار 62,7%-دى (11 082 ادام), ەڭبەككە قابٸلەتتٸ جاستاعىلار – 30,7%-دى (5 420 ادام), زەينەتكەرلەر – 6,6%-دى (1 159 ادام) قۇرايدى.
ەڭبەككە جارامدى جاستاعى ورالمانداردىڭ ٸشٸنەن بٸلٸم دەڭگەيٸ بويىنشا 13,6%-ى جوعارى بٸلٸمدٸ, 25,2%-ى – ورتا ارناۋلى بٸلٸمدٸ, 46,7%-ى – جالپى ورتا بٸلٸمدٸ, 14,5%-نىڭ بٸلٸمٸ جوق.
2019 جىلعا قر ٷكٸمەتٸ 2 031 ورالمانداردى قابىلداۋدىڭ ٶڭٸرلٸك كۆوتاسىن بەكٸتٸپ, ول بىلايشا بٶلٸنگەن – قوستاناي وبلىسى بويىنشا – 815, پاۆلودار وبلىسى بويىنشا – 550, اقمولا وبلىسى بويىنشا – 306 ادام, شىعىس قازاقستان وبلىسى بويىنشا – 250, سولتٷستٸك قازاقستان وبلىسى بويىنشا – 110 ادام.
ورالمانداردى قابىلداۋدىڭ ٶڭٸرلٸك كۆوتاسىنا ەنگٸزٸلگەن ادامدارعا نەتيجەلٸ جۇمىسپەن قامتۋدى جەنە جاپپاي كەسٸپكەرلٸكتٸ دامىتۋدىڭ 2017-2021 جىلدارعا ارنالعان «ەڭبەك» مەملەكەتتٸك باعدارلاماسىن ٸسكە اسىرۋ شەڭبەرٸندە سۋبسيدييا بەرۋ تٷرٸندە قولداۋ كٶرسەتٸلدٸ.
سونىمەن قاتار وتباسىنىڭ ەربٸر مٷشەسٸنە 35 اەك (84,2 مىڭ تەڭگە) بٸرجولعى تٶلەم; تۇرعىن ٷيدٸ جالداۋ (جالعا الۋ) جەنە كوممۋنالدىق قىزمەتتەرگە تٶلەۋ بويىنشا شىعىستاردى جابۋ ٷشٸن 12 اي بويى وتباسىنا 15-تەن 30 اەك (36,1-دەن 72,2 مىڭ تەڭگە).
ەستەرٸڭٸزگە سالا كەتەيٸك, 1991 جىلدان 2020 جىلعى 1 قاڭتارعا دەيٸن 313 256 وتباسى نەمەسە 1 057 280 ەتنيكالىق قازاق تاريحي وتانىنا ورالىپ, ورالمان مەرتەبەسٸن العان بولاتىن.
