2018 jyly Shyǵys Qazaqstanda bilim men densaýlyqqa basa mán beriledi
Óńirde 2018 jylǵa arnalǵan josparlar «Tórtinshi ónerkásiptik revoliýtsiia jaǵdaiyndaǵy damýdyń jańa múmkindikteri» atty Elbasy joldaýynda belgilengen mindetter aiasynda júzege asatyn bolady. Úshtildilikti, densaýlyq saqtaý salasyn damytýǵa baǵyttalǵan jospar Shyǵys Qazaqstanda sońǵy jyldary qarqyndy júzege asyp jatyr. Osy rette adami kapitaldyń jańa sapasyn qalyptastyrýǵa negizdelgen ulttyń jańa josparymen tuspa-tus kelgen jobalar qatary eselenbek.
– Respýblikada balamasy joq jobalardy Shyǵysta birinshi bolyp júzege asyrýdamyz. El ishinde joq zamanaýi jabdyqty satyp alyp, «Robot hirýrgiiasy» men «Transplantologiia» ortalyqtaryn ashtyq. Aldaǵy tańda oblys emhanalary men oqý oryndaryn halyqaralyq standart talabyna jaýap beretin qural-jabdyqpen qamtamasyz etýdi jalǵastyramyz. Shyǵys Qazaqstanda bul baǵytta aýyz toltyryp aitarlyq jumystar atqarylyp jatyr. Sondyqtan 2018 jyly da áleýmet áleýetin jaqsartý eń mańyzdy is bolyp qala bermek, – dedi ShQO ákimi Danial Ahmetov ákimdiktiń kezekti jiynynda.
Aita ketý kerek, Qazaqstanda ustazdardy úsh tildilikke oqytý isin tuńǵysh bastaǵan Kendi Altai óńirinde tek byltyrdyń ózinde 2500 muǵalim arnaiy kýrstardan ótip, tildik biliktiligin ushtady.
ShQO ákiminiń baspasóz qyzmeti
https://dalanews.kz/30266
