Reseidiń sáýegeileri de Pýtinniń sózin sóileidi. Pýtinniń oiynan shyǵý úshin joramaldy Kremldiń kóńiline kelmeitindei jasaidy eken. Tanymal astrolog Pavel Globanyń keler jylǵa arnalǵan boljamyna qarap kúldik. Bárinen buryn orys halqynyń baqyttan basy ainalyp jatqan shyǵar. Boljamshynyń byljyraǵyna sengen Reseidegi aqparat quraldary halyqtan súiinshi surap jatyr. Kúlkili. Iá, kúlkili. Sonda Globa ne deidi?
Dollar
“Keler jyl dollarǵa aýyr soǵaiyn dep tur. Amerikanyń aqshasy qunyn joǵaltady, “álemdik valiýta” degen atynan aiyrylady. Abyroiynan da… Eýro ma? Eýro turaqtaidy. Osy sebepti de jiǵan-tergenderińiz bolsa, osy eýroǵa aýystyryp úlgerińizder”.
Munai
“Qara altynnyń “tamyryna qan júgiredi”. Quny ósedi degenim ǵoi. Osynyń arqasynda Reseidiń ary qaraǵan beti, beri qaraidy. Kreml qarjylyq daǵdarysty eńserip shyǵady. Munyń munaimen bailanysty bolatynyn túsingen shyǵarsyz”.
“Iran búlinedi”
Keler jyldyń ekinshi jartysynda álem astań-kesteń bolady. Tipti, Úshinshi dúniejúzilik soǵys bastalyp ketýi múmkin. Musylman eli (bul Iran bolýy múmkin) búlik shyǵarady. Parsylar túrikterge tap beredi.
“Pýtin, spasi i sohrani”
Ýshyǵyp ketýge ázir turǵan jaǵdaidy Resei baqylaýyna alady. Onyń danagói kósemi osy jaǵdaiǵa ádil tórelik etip tiisti sheshim shyǵarady. Óziniń ataq-abyroiy men aqyl-biliminiń arqasynda Pýtin Úshinshi dúniejúzilik soǵystyń aldyn alady.
Din
2017 jyly Reseide jańa dini qozǵalys qurylady. Ainalasy birneshe jyldyń ishinde bul aǵym hristian jáne islam dinderin “otarlap”, birtutas álemdik din degen ataqqa ie bolady. Osy aǵymnyń aiasynda jańa kózqarastaǵy býyn ósip-ónedi.
Osy aradan úzilis jasaiyq. Osy araǵa deiin Globany qaljyńdap otyr ma dep oilaǵanbyz. Joq, qaljyńy emes eken. Aljyǵany eken. Aljypty. Aqylynan adasypty…
“Qazaqstan Reseige qosylady”
2017 jyly Qazaqstan men Belarýs Reseidiń qoltyǵyna kirgisi keletinin aitady. Beker emes. Reseidiń kúshi asyp-tasyp bara jatqanyn kórip otyr ǵoi. “Úsh memleketen quralǵan derjava” ózgelerdiń tóbesinen qaraidy. Tipti, Amerika men EýroOdaqtyń ózi bulardyń janynda “oiyn balasy” bolyp qalmaq. AQSh pen Batys “Úsh memleketten quralǵan derjavanyń” kóleńkesinde qalady. Aibyndy derjavanyń daqpyrty alysqa jetedi. Az ýaqyttan keiin bularǵa Ázirbaijan men Armeniia qosylady.
“Ái, shirkin-ai…”
Batystyń basynan baq taiady. Eýroodaqtyń sapynan shyqqysy kelgen elderdiń sany artady. Eýropanyń aqshasy azaiady. Kúlli álem Kári qurlyqtyń shańyraǵy ortasyna túsip, qiraǵanynyń kýási bolady.
Osy aradan taǵy bir úzilis. Globa Pýtinge qatysty pikirin aitypty. Keshirińizder, boljamyn…
2020… "Pýtinniń aqyry"
Reseide halyq kóteriledi. Danagói Pýtin óziniń saliqaly ári sarabdal saiasatynyń arqasynda tolqynysty 3 jylǵa deiin ustap turady. Biraq, eshkim jáne eshnárse máńgilik emes. 2020 jyly aýrýy asqynǵan Kremldiń kósemi jaǵdaidy baqylaýdan qalady. Buqarany baqylaýdan qalǵan ámirshiniń yqpaly da azaiatyny belgili.
Qysqasha, osy. Globa osylai depti. Bir jyldyń ishinde álemniń astań-kesteń bolatyn túri bar. Qazaq mundaida “jaǵyńa jylan jumyrtqalasyn” deýshi edi…
2017god.com сайтынан аударылды
