Qazaqstan Úkimeti Túrkistan oblysynda maqta shikizatynan bastap daiyn kiimge deiin óndiretin tolyq tsikldi óndiris qurý jónindegi iri investitsiialyq jobany maquldady, dep habarlaidy Dalanews.kz.
Jobany Qytaidyń Xinjiang Lihua kompaniiasy júzege asyrady. Jalpy investitsiia kólemi 200 mlrd teńgeden asady, onyń 58 mlrd teńgesi birinshi kezeńge baǵyttalmaq.
Investor 60 myń gektar alqapta zamanaýi agrokeshen salýdy josparlap otyr. Keshen quramyna tamshylatyp sýarý júiesi, sý aidaityn stantsiialar, sý arnalary, tamshylatyp sýarý lentasyn shyǵaratyn jeke óndiristik jeli kiredi.
Joba aiasynda 1400 turaqty jumys orny, sondai-aq 300-den astam ýaqytsha jumys orny ashylady.
Qazir Qazaqstan jyl saiyn 70–75 myń tonna maqta talshyǵyn óndiredi, onyń 85%-y eksporttalady. Jańa keshen maqtany tereń óńdeýge múmkindik berip, daiyn matadan bastap, daiyn kiimge deiingi óndiristi jolǵa qoiýǵa baǵyttalǵan.
