قازاقستان ٷكٸمەتٸ تٷركٸستان وبلىسىندا ماقتا شيكٸزاتىنان باستاپ دايىن كيٸمگە دەيٸن ٶندٸرەتٸن تولىق تسيكلدٸ ٶندٸرٸس قۇرۋ جٶنٸندەگٸ ٸرٸ ينۆەستيتسييالىق جوبانى ماقۇلدادى, دەپ حابارلايدى Dalanews.kz.
جوبانى قىتايدىڭ Xinjiang Lihua كومپانيياسى جٷزەگە اسىرادى. جالپى ينۆەستيتسييا كٶلەمٸ 200 ملرد تەڭگەدەن اسادى, ونىڭ 58 ملرد تەڭگەسٸ بٸرٸنشٸ كەزەڭگە باعىتتالماق.
ينۆەستور 60 مىڭ گەكتار القاپتا زاماناۋي اگروكەشەن سالۋدى جوسپارلاپ وتىر. كەشەن قۇرامىنا تامشىلاتىپ سۋارۋ جٷيەسٸ, سۋ ايدايتىن ستانتسييالار, سۋ ارنالارى, تامشىلاتىپ سۋارۋ لەنتاسىن شىعاراتىن جەكە ٶندٸرٸستٸك جەلٸ كٸرەدٸ.
جوبا اياسىندا 1400 تۇراقتى جۇمىس ورنى, سونداي-اق 300-دەن استام ۋاقىتشا جۇمىس ورنى اشىلادى.
قازٸر قازاقستان جىل سايىن 70–75 مىڭ توننا ماقتا تالشىعىن ٶندٸرەدٸ, ونىڭ 85%-ى ەكسپورتتالادى. جاڭا كەشەن ماقتانى تەرەڭ ٶڭدەۋگە مٷمكٸندٸك بەرٸپ, دايىن ماتادان باستاپ, دايىن كيٸمگە دەيٸنگٸ ٶندٸرٸستٸ جولعا قويۋعا باعىتتالعان.
