Astananyń kámeletke tolmaǵan turǵyny zańsyz internet-shemaǵa qatysqan. Ol sim-kartalardy satyp alyp, olardy úshinshi tulǵalarǵa zańsyz maqsatta paidalaný úshin bergen, dep habarlaidy Dalanews.kz.
Politsiia departamentiniń dereginshe, qylmystyq shemany uiymdastyrýshylar messendjerler men mobildi qosymshalarda “ońai tabys” ýáde etip, habarlandyrýlar jariialaidy. Ol úshin qatysýshylardan bailanys operatorlarynyń sim-kartalaryn satyp alyp, olardy “bailanysty qurylǵylar” fýnktsiiasy arqyly qoljetimdi etýin talap etedi. Mundai sharttardy oryndaǵandarǵa kún saiyn syiaqy beretinin aitady.
Jasóspirim osy usynysqa senip, kóp mólsherde sim-karta satyp alyp, olardy belgisiz tulǵalarǵa qashyqtan qoljetimdi etken. Nátijesinde politsiia qyzmetkerleri onyń qolynan shamamen 20 sim-kartany tárkiledi. Olar alaiaqtyq áreketterge paidalanylýy múmkin edi.
Quqyq qorǵaý organdary kámeletke tolmaǵan balanyń ata-anasyn bala tárbiesindegi mindetin durys oryndamaǵany úshin ákimshilik jaýapkershilikke tartty.
“Sim-kartalar men jeke derekterdi úshinshi tulǵalarǵa berý qylmystyq shemalardyń bir bóligine ainalýy múmkin. Zańnama mundai áreketter úshin jaýapkershilik qarastyrady. Azamattardy saq bolýǵa, jeńil tabys týraly kúmándi usynystarǵa aldanbaýǵa jáne mundai jaǵdailar baiqalǵanda politsiiaǵa habarlaýǵa shaqyramyz”, – delingen habarlamada.
