2025 jyly 20 qazannan bastap Eýraziialyq ekonomikalyq komissiianyń (EEK) jańa erejesi kúshine enedi. Endi Qazaqstanǵa jeke tulǵalardyń iri kólik quraldaryn ákelý múmkindigi shekteledi. Atalǵan sheshim júk kólikterine, avtobýstarǵa jáne taǵy da keibir kólik túrlerine qatysty, dep habarlaidy Dalanews.kz.
Jeke tulǵalar úshin qandai ózgeris bolady?
Qazaqstan Respýblikasy Indýstriia jáne aýyl sharýashylyǵy ministrliginiń Ónerkásip saiasaty departamentiniń direktory Ádilbek Bektibavtyń aitýynsha, atalǵan kúnnen bastap jeke tulǵalar tek tómendegi kólik túrlerin jeke paidalaný úshin ákele alady:
- Jeńil avtomobilder (meditsinalyq maqsatqa arnalǵandaryna ruqsat berilmeidi);
- Jolsyz jerge arnalǵan kólikter: kvadrotsiklder, qarda júretin kólikter, batpaqta júretin kólikter, motobaggi, biraq jarysqa arnalǵan kólikter kirmeidi;
- Mototsiklder, mopedter jáne motorollerler;
- Jeńil júk kólikteri men shaǵyn avtobýstar: júrgizýshini qosa alǵanda 12 adamǵa deiin tasymaldaýǵa arnalǵan avtokólikter jáne tolyq massasy 5 tonnaǵa deiingi júk kólikteri. Buǵan joǵary radiatsiialyq materialdardy tasymaldaýǵa arnalǵan arnaiy kólikter kirmeidi.
Rásimdeý men tirkeýge arnalǵan shekteýler
Jańa tizimge kirmeitin kólik túrlerin ákelgen jeke tulǵalar:
-
SBKTS (dóńgelekti kólik quralynyń qaýipsizdigi týraly kýálik) ala almaidy;
-
Kedendik rásimdeýden ótkize almaidy;
-
EPTS (kólik quralynyń elektrondy pasporty) ala almaidy;
-
Ýtilizatsiialyq alymdy tólei almaidy;
-
Kólikti memlekettik tirkeýge qoia almaidy.
Iaǵni, endi avtobýstar men júk kólikterin jeke tulǵalar emes, tek kompaniialar importtai alady.
Nelikten shekteý engizildi?
Biyl jazda EEK "jeke tulǵalardyń óz qajettiligi úshin ákeletin birli-jarym kólik quraldary" uǵymyna naqtylaý engizdi. Sheshim boiynsha, jeke qajettilikterge kásipkerlik qyzmet kirmeidi. Bul túzetýler Keden odaǵynyń "Dóńgelekti kólik quraldarynyń qaýipsizdigi týraly" tehnikalyq reglamentine engizilgen.
