19 jastaǵy sarbaz Marat Barqulovtyń óliminde kúdikti ofitser 13 jylǵa sottalýy múmkin, dep habarlaidy Dalanews.kz Orda.kz-ke siltep.
Sot otyrysynda prokýror sarbazdy atqan ofitserdi 13 jylǵa sottaýdy surady.
Aiyptaýshy tarap sottalýshynyń tapanshanyń oqtalǵanyn bilmegendigi týraly ýájderin negizsiz dep sanaidy.
Birinshiden, Damir Dosov – ofitser, ol tiisti daiyndyqtan ótip, ártúrli qarý túrlerinen atý boiynsha emtihandar tapsyrǵan.
Ekinshiden, sot zalynda suralǵan kýágerler leitenantqa tapansha berilgen kezde nusqaý berilgenin rastady. Aǵa ofitser oǵan «myltyqpen oinamaýǵa jáne ony adamdarǵa baǵyttamaýǵa» nusqaý berdi.
Jábirlenýshilerdiń ókili Azamat Saǵal prokýror suraǵan jazamen kelisetinin atap ótti.
Eske salaiyq, birneshe kún buryn Astanadaǵy áskeri sotta 19 jastaǵy sarbaz Marat Barqulovtyń ólimine qatysty alǵashqy sot otyrysy bastaldy.
Qaiǵyly oqiǵa "Batys" óńirlik qolbasshylyǵy bólimderiniń jiyny kezinde bolǵan. Sol tusta taraǵan aqparatqa qaraǵanda, saǵat 17:10 shamasynda lager boiynsha kezekshi, gvardiia leitinanty PM 9 mm tapanshasynan oq atqan.
Atylǵan oq qatardaǵy jaýynger Marat Erboluly Barqulovtyń betine tigen. Sarbaz aýrýhanaǵa jetkizilgenimen ony aman alyp qalý múmkin bolmaǵan. Saǵat 17:40 shamasynda ol kóz jumǵan.
