31 qańtarda Jambyl oblysy Jýaly aýdany Kúıik asýynda aýa raıy nasharlaýyna baılanysty (boran, jol kórinbeı) “Almaty-Tashkent” respýblıkalyq mańyzy bar jolda (567 km) jappaı jol-kólik apaty boldy, - dep habarlaıdy Dalanews.kz.

Tótenshe jaǵdaılar departamentiniń baspasóz qyzmeti jazǵandaı,jol-kólik apatynda jeńil kólikter, jolaýshylar avtobýstary men júk mashınasy soqtyǵysqan. Apat saldarynan B.Momyshuly aýdandyq aýrýhanasyna túrli jaraqattarmen 19 adam jetkizildi, onyń ishinde 1 bala bar.

Sondaı-aq, TJD kúshteri qysylǵan adamdardy shyǵarý boıynsha avarıalyq qutqarý jumystaryn júrgizip jatyr. Qaza bolǵandar tirkelmegen.

Qazirgi ýaqytta Nurlykent aýylynyń "Mádenıet úıi" jylytý pýnktine 39 adam jetkizildi, onyń ishinde 8 bala bar. Oblys aýmaǵynda aýa raıy jaǵdaıy nasharlaýyna baılanysty departament bazasynda jedel shtabtyń jumysy uıymdastyrylǵan. Jedel shtab jumysyna azamattyq qorǵaý qyzmetteriniń ókilderi jumyldyrylǵan. Psıhologıalyq qoldaý úshin senim telefonyna baılanysýǵa bolady.