31 قاڭتاردا جامبىل وبلىسى جۋالى اۋدانى كٷيٸك اسۋىندا اۋا رايى ناشارلاۋىنا بايلانىستى (بوران, جول كٶرٸنبەي) “الماتى-تاشكەنت” رەسپۋبليكالىق ماڭىزى بار جولدا (567 كم) جاپپاي جول-كٶلٸك اپاتى بولدى, - دەپ حابارلايدى Dalanews.kz.
تٶتەنشە جاعدايلار دەپارتامەنتٸنٸڭ باسپاسٶز قىزمەتٸ جازعانداي,جول-كٶلٸك اپاتىندا جەڭٸل كٶلٸكتەر, جولاۋشىلار اۆتوبۋستارى مەن جٷك ماشيناسى سوقتىعىسقان. اپات سالدارىنان ب.مومىشۇلى اۋداندىق اۋرۋحاناسىنا تٷرلٸ جاراقاتتارمەن 19 ادام جەتكٸزٸلدٸ, ونىڭ ٸشٸندە 1 بالا بار.
سونداي-اق, تجد كٷشتەرٸ قىسىلعان ادامداردى شىعارۋ بويىنشا اۆارييالىق قۇتقارۋ جۇمىستارىن جٷرگٸزٸپ جاتىر. قازا بولعاندار تٸركەلمەگەن.
قازٸرگٸ ۋاقىتتا نۇرلىكەنت اۋىلىنىڭ "مەدەنيەت ٷيٸ" جىلىتۋ پۋنكتٸنە 39 ادام جەتكٸزٸلدٸ, ونىڭ ٸشٸندە 8 بالا بار. وبلىس اۋماعىندا اۋا رايى جاعدايى ناشارلاۋىنا بايلانىستى دەپارتامەنت بازاسىندا جەدەل شتابتىڭ جۇمىسى ۇيىمداستىرىلعان. جەدەل شتاب جۇمىسىنا ازاماتتىق قورعاۋ قىزمەتتەرٸنٸڭ ٶكٸلدەرٸ جۇمىلدىرىلعان. پسيحولوگييالىق قولداۋ ٷشٸن سەنٸم تەلەفونىنا بايلانىسۋعا بولادى.
