Qarjylyq monitoring agenttigi Qaisar Qamzaǵa halyqaralyq izdeý jariialady, dep habarlaidy Dalanews.kz
Sot oǵan "qamaýda ustaý" túrindegi bultartpaý sharasyn sanktsiialaǵan. Ol zańsyz oiyn biznesine járdemdesti degen kúdikke ilingen.
"Kúdikti 5 jyl boiy Instagram áleýmettik jelisinde qais_arr ataýymen (2,4 mln jazylýshy) belsendi blogerlik qyzmet júrgizip, sondai-aq, Telegram-daǵy "Qora enterteinment" jabyq arnasyn (368 myń jazylýshy) basqarǵan. Kúdikti áleýmettik jelilerdegi jeke akkaýnttaryn paidalana otyryp, Qazaqstan Respýblikasynyń azamattary úshin Pinco saitynda tirkelýge jáne qumar oiyndarǵa qatysýǵa baǵyttalǵan tikelei siltemelerdi, grafikalyq elementterdi jáne úndeýlerdi qamtityn beinematerialdar men jazbalardy júieli túrde ornalastyrǵan. Sonymen qatar, beinerolikterdiń astynda paidalanýshylarǵa bonýs beretin jeke promokodyn kórsetken. Osylaisha, Qamza azamattardy qumar oiyndarǵa tartýǵa baǵyttalǵan onlain platformany jarnamalap, oiyn platformasynan syiaqylar, bonýstar nemese paiyz aýdarymdary túrinde tabys alyp otyrǵan", - dep jazylǵan habarlamada.QMA málimetinshe, zańsyz jolmen alynǵan kiristi jasyrý maqsatynda kúdikti kriptoámiian paidalanǵan. Oǵan Pinco internet kazinosynyń uiymdastyrýshylarynan tólemder túsip otyrǵan.
Sot sanktsiiasymen 182 736,741 USDT kólemindegi kriptoaktivterge tyiym salyndy.
Eske salaiyq, buǵan deiin izdeý jariialanǵan bloger Qaisar Qamza málimdeme jasady.
