Májilis depýtaty Rinat Zaiytov 175 aýylda meditsina qyzmetkerleri halyqqa úiden qyzmet kórsetkeni týraly aqparatqa pikir bildirip, ondai jaǵdai elimizde kóp ekenin aitty, - dep habarlaidy Dalanews.kz.
Bul týraly ol Májilis dálizinde aitty.
"Áli solai kóp jerde. Ár memlekette ondai problema bar shyǵar. Onyń syltaýyn aitatyn adamdar aýmaqtyń úlkendigin aitar, basqasyn aitar. Sonyń aldyn alý maqsatynda barymen bazar qylyp jatqan elge baryn joǵaltyp almaityndai bolysýymyz kerek. Onyń aldynda dárihanalardy da eýropalandyrý degen usynys kelgen kezde qabyldamai tastadyq. Oǵan sebep bolǵan - aýdandyq aýrýhanalardyń oǵan sai emestigi, jabylyp qalý qaýpi, aýyldyq jerlerde múldem bolmaýy", - dedi depýtat.
Eske salaiyq, buǵan deiin Rinat Zaiytov "bir aýylda kishkentai balanyń tisi aýyrsa, oǵan Astanadaǵy ministrdiń júregi aýyrý kerek" degen edi.
"Keide tipti kótergen suraǵyńa orynsyz syn taǵyp, "Osy másele sender qozǵaityn taqyryp pa? Nege joǵarydaǵylar usaq-túiek máseleler qozǵaidy" dep jatady. Óz basym bul synmen kelispeimin. Sebebi biz – bir memleketpiz! Sondyqtan usaq, iri demei, ár máselege birdei jumylýymyz kerek. Shalǵaida jatqan bir aýylda kishkentai balanyń tisi aýyrsa, oǵan Astanadaǵy ministrdiń júregi aýyrý kerek. Jumyla kótersek, júgimiz jeńildeidi", - dep úndeý jasady Zaiytov.
