«Almaty-1» stantsiiasy mańaiyndaǵy saiabaqta jan tebirenterlik kezdesý boldy. Zamanymyzdyń qaharmandary – Batys Qazaqstan oblysynan alapat sý tasqynynyń zardaptaryn joiýǵa atsalysqan júrgizýshiler, eriktiler men qutqarýshylardy gúl shoqtary men alǵys sózderimen qarsy aldy, – dep habarlaidy Dalanews.kz Almaty oblysy ákiminiń baspasóz qyzmetine silteme jasap.
Sáýir aiynyń ortasynda Almaty oblysy elimizdiń batysyna samosvaldar, kamazdar men ekskavatorlardy qosa alǵanda 171 birlik tehnika, 50 qutqarýshy men áskeri qyzmetshi, sondai-aq 15 eriktilermen áserli jasaq jibergen edi.
Kásipkerler men sharýa qojalyqtarynyń basshylarynan bastap TJD qyzmetkerleri men qarapaiym turǵyndarǵa deiin barlyǵy ún qatyp, kómek berýge jaýap bergen bolatyn. Delegatsiiany basqarǵan Almaty oblysy ákiminiń orynbasary Almas Batanov osy mańyzdy missiianyń barlyq qatysýshylaryna úlken rizashylyǵyn bildirdi.
– Búgin biz sizderdi beibit ýaqyttyń keiipkerleri retinde qarsy alamyz. Siz óz otandastaryńyzdy qiynshylyqqa tastamai, tabiǵi apatpen kúresip keldińizder, – dep atap ótti Almas Batanov.
Qonaev qalasynan kelgen erikti Rashid Mámetov Oraldaǵy jumysy týraly óz oiyn bylaisha jetkizdi:
– Bizder bógetter salyp, aýyldardy sýdan qorǵadyq. Aýyldardy sý basyp ketýi múmkin degen qorqynysh boldy, alaida úilesimdi jumystyń arqasynda aýyldardy sý basýdan qorǵap qaldyq, – dedi. Talǵar aýdanyndaǵy samosval júrgizýshisi Eldar Isaev: «Biz bir kúnde 15 ret reis jasap, bóget salýǵa qum tasyp, 26 arnaiy tehnikany jumyldyryp, uzyndyǵy 8 shaqyrymǵa jýyq bóget jasadyq aýyldardy sý basýdyń aldyn aldyq», – deidi.
Batys Qazaqstanǵa kómek kórsetý tarihy qazaqstandyqtardyń birligi men yntymaqtastyǵynyń jarqyn mysaly bola alady.
