Uiymdasqan qylmystyq toptyń 17 jyl jasyrynǵan basshysy Qyrǵyzstannan ekstraditsiialandy, dep habarlaidy dalanews.kz.
Kúdikti 2007-2008 jyldary Almatyda uiymdasqan qylmystyq toptyń basshysy bolyp, qazaqstandyq bankterdiń birinen 183 million teńgeden asa aqshany nesie arqyly urlaǵany anyqtalǵan.
Bul aqsha top músheleri arasynda bólinip, jeke maqsatqa paidalanylǵan. Qylmys jasaǵannan keiin UQT múshesiniń bir bóligi sottalǵan, al kúdikti qylmystyq qýdalaý organynan jasyrynǵan, osyǵan bailanysty oǵan halyqaralyq izdeý jariialanǵan.
Ol 2026 jylǵy aqpanda Bishkekte ustalyp, Qazaqstannyń Bas prokýratýrasynyń suraýy boiynsha elge ekstraditsiialandy. Qazir kúdikti tergeý izoliatoryna qamaldy.
