16 jeltoqsanda qazaqstandyqtar ınternettiń baıaý jumys istegenine shaǵymdandy. Sıfrlyq damý, ınovasıalar jáne aeroǵarysh ónerkásibi mınıstri Jaslan Mádıev atalǵan jaıtqa túsiniktime berdi, dep habarlaıdy Dalanews.kz.

Mınıstrdiń aıtýynsha, týyndaǵan aqaý der kezinde sheshimin tapqan.

“Elimizde derekter bazasy óte kóp jáne olardyń barlyǵy ózara baılanystyrylǵan. Bul tehnologıalar artynda óte úlken suranystar men kúrdeli prosester tur. Mundaı aqaýlar kez kelgen uıymda, bankte, memlekettik organda nemese elde oryn alýy múmkin. Biz osyndaı jaǵdaılarda jedel áreket etip, máseleni sheshemiz. Bul joly da jyldam túrde qalpyna keltirdik. Halyq eki-tórt kún qatarynan ınternetten ajyrap qalǵan joq”, – dedi Mádıev úkimet dálizinde bergen suhbatynda.

Sondaı-aq mınıstr “TikTok-tyń baıaý jumys isteýi” ınternettegi aqaýlarmen baılanysty emes ekenin atap ótti.