16 جەلتوقساندا قازاقستاندىقتار ينتەرنەتتىڭ باياۋ جۇمىس ىستەگەنىنە شاعىمداندى. سيفرلىق دامۋ، يننوۆاسيالار جانە اەروعارىش ونەركاسىبى ءمينيسترى جاسلان مادييەۆ اتالعان جايتقا تۇسىنىكتىمە بەردى، دەپ حابارلايدى Dalanews.kz.
ءمينيستردىڭ ايتۋىنشا، تۋىنداعان اقاۋ دەر كەزىندە شەشىمىن تاپقان.
“ەلىمىزدە دەرەكتەر بازاسى وتە كوپ جانە ولاردىڭ بارلىعى ءوزارا بايلانىستىرىلعان. بۇل تەحنولوگيالار ارتىندا وتە ۇلكەن سۇرانىستار مەن كۇردەلى پروسەستەر تۇر. مۇنداي اقاۋلار كەز كەلگەن ۇيىمدا، بانكتە، مەملەكەتتىك ورگاندا نەمەسە ەلدە ورىن الۋى مۇمكىن. ءبىز وسىنداي جاعدايلاردا جەدەل ارەكەت ەتىپ، ماسەلەنى شەشەمىز. بۇل جولى دا جىلدام تۇردە قالپىنا كەلتىردىك. حالىق ەكى-تورت كۇن قاتارىنان ينتەرنەتتەن اجىراپ قالعان جوق”، – دەدى مادييەۆ ۇكىمەت دالىزىندە بەرگەن سۇحباتىندا.
سونداي-اق مينيستر “TikTok-تىڭ باياۋ جۇمىس ىستەۋى” ينتەرنەتتەگى اقاۋلارمەن بايلانىستى ەمەس ەكەنىن اتاپ ءوتتى.
