Keles aýdanynda ornalasqan Á.Moldaǵulova atyndaǵy №3 jalpy bilim beretin mektebiniń 6-synyp oqýshysy Ádilbek Dýman keleshekte aqyldy úilerge arnalǵan smart sarqyramanyń modelin qurastyrdy, – dep habarlaidy Dalanews.kz Túrkistan oblysy ákiminiń baspasóz qyzmetine silteme jasap.
Ádilbek Dýman jasaǵan jobasynyń ereksheligi – adamdarǵa bos ýaqytynda sýdyń dybysynan, tabiǵattyń kórinisinen, salqyn aýada psihologiialyq turǵyda demalýyna jaǵdai jasaý deidi, – oqýshynyń ǵylymi jetekshisi Shamsiiaat Altaeva.
– Adam – tabiǵattyń ajyramas bóligi. Tabiǵat ǵylymdaryn tereń meńgergende ǵana biz ózimizdiń ainalamyzdy tolyq zerttep bilemiz. Jalpy ǵylymda «dybys tolqyndary» degen uǵym bar. Sýdyń dybysy eger shamadan tys aspasa, adam densaýlyǵyna paidasy bar ekendigi meditsinada dáleldengen. Sondyqtan shákirtim Dýmannyń, úilerge sarqyrama qoiý ideiasy qai turǵydan alyp qarasaq ta tiimdi ári paidaly bolmaq, – deidi mektep muǵalimi.
Dýman jas kezinen izdenimpaz, talapshyl. Jas ǵalym jaqynda ǵana ótken «Zerde» oqýshylardyń ǵylymi jobalar baiqaýynyń aýdandyq kezeńinde jeńimpaz atandy.
