Káýgerlerdiń aıtýynsha, qoǵamdyq kólik tańerteń Saıyn men Shalápın kósheleriniń qıylysynda órtengen. Saǵat 8:00 shamasynda qala turǵyndary osy qıylystan qoıý qara tútin shyǵyp jatqanyn baıqaǵan. Keıin áleýmettik jelide órt bolǵan jerdiń vıdeosy tarady.
Jarıalanǵan kadrlarda órttiń avtobýstyń ishinen shyqqanyn kórýge bolady. Boljam boıynsha, bul №38 baǵyt boıynsha jolaýshylar tasıtyn Qytaıdyń sapasyz jasyl avtobýsy ekenin anyq baıqaýǵa bolady.
Almaty ákimdigi oqıǵanyń mán-jaıyn anyqtap jatqanyn habarlady.
"Egjeı-tegjeıleri naqtylanyp jatyr. Órt endi ǵana sóndirildi. Tolyq aqparatty sál keıinirek beremiz" dep habarlady qalalyq mobıldilik basqarmasynyń ókili.
Bul avtobýstar Baýyrjan Baıbek Almaty qalasynyń ákimi bolyp turǵanda Qytaıdyń Zhotong bus Holding kompanıasynan satyp alynǵan bolatyn. Qytaı kompanıasy ár avtobýsty 83 400 dollarǵa baǵalyp, 200 qoǵamdyq kólikti Qorǵasqa deıin jetkizip bergen-di.
Budan keıin «Optıma» kompanıasy qoǵamdyq kólikterdi elge kirgizgende ýtılalymy men ózgede salyqtyq tólepgendi ár avtobýstyń quny 109 000 dollarǵa deıin kóterilgen-di.
Budan keıin Baýyrjan Baıbektiń nusqaýymen Almaty qalasy ákimdigi ár avtobýsty «Optıma» kompanıasynan 164 000 dollardan satyp alǵan bolatyn.
Osylaısha Almaty qalasy ákimdigi qytaıdyń sapasyz avtobýsyn bastapqy qunynan eki ese joǵary baǵaǵa satyp aldy. Sol kezde sarapshylar Almaty qalasy araǵa «Optıma» kompanıasyn salmaı-aq avtobýstardy Qytaıdan tikeleı nege satyp almady dep másele kótergen edi. Biraq Nazarbaevtyń klastasynyń balasy qoǵamdyq kólikke pysqyryp ta qaramaǵan-dy.
Zertteýshiler Baýyrjan Baıbek sol kezde Qytaıdyń sapasyz avtobýsyn qymbat baǵaǵa satyp alyp, qala qazynasyna 11 mln dollaryn shyǵyn keltirgenin jazǵan edi.
