Almaty oblysy sońǵy jyldary halyq sanynyń kúrt artýyna jáne kommýnaldyq júielerge túsetin júktemeniń ulǵaiýyna bailanysty injenerlik infraqurylymdy belsendi túrde damytýda. Sońǵy on jylda Qarasai aýdanynda halyq sany 221 myńnan 342 myń adamǵa deiin ósti. Bul jaǵdai elektrmen jáne sýmen qamtý júielerin jańǵyrtý boiynsha jedel ári aýqymdy sheshimderdi qabyldaýdy talap etti.
Qarasai aýdanynda qazirgi tańda energetikalyq tapshylyqty joiýǵa jáne kommýnaldyq qyzmetterdiń sapasyn arttyrýǵa baǵyttalǵan iri infraqurylymdyq joba iske asyrylýda. Jalpy quny 5,7 mlrd teńge bolatyn jobalyq-smetalyq qujattama ázirlenip, ol Qaskeleń, Shamalǵan, Eltai, Jandosov, Bekbolat jáne Jambyl aýyldaryn qosa alǵanda 16 eldi mekendi qamtidy. Joba tiisti komissiianyń qaraýyna usynylyp, respýblikalyq jáne jergilikti biýdjetterge engizý máselesi qarastyrylýda.
Qazirgi ýaqytta Isaev, Bekbolat, Batan jáne Eltai aýyldarynda elektr jelilerin tolyq jańartý boiynsha qurylys-montaj jumystary júrip jatyr. Bul myńdaǵan turǵyndy úzdiksiz elektrmen qamtýǵa múmkindik beredi. Mańyzdy qadamdardyń biri – tutynýshylardy jekemenshik jelilerden memleket teńgerimine alynǵan jańa jelilerge kóshirý. Bul kóleńkeli monopolisterge táýeldilikti joiyp, kórsetiletin qyzmetterdiń sapasyna baqylaýdy kúsheitedi.
Kerneý turaqtylyǵyn qamtamasyz etip, apattyq jaǵdailardyń aldyn alý úshin jańa qosalqy stantsiialardy salý josparlanǵan. Aimaqtyq investitsiialyq baǵdarlama aiasynda jalpy quny 18 mlrd teńge bolatyn «Kóldi» jáne «Indýstrialdy» atty eki joǵary kerneýli qosalqy stantsiianyń qurylysy kózdelip otyr. «Kóldi» stantsiiasy boiynsha jobalyq-smetalyq qujattama 2025 jyldyń tamyz aiynda aiaqtalady dep kútilýde.
Sonymen qatar, 2026–2030 jyldar aralyǵynda «Alataý Jaryq Kompaniiasy» AQ Qarasai aýdanyndaǵy taratý jelilerin jańǵyrtý men qaita qurýǵa 7,2 mlrd teńgeden astam investitsiia salýdy josparlap otyr. Buǵan qosa, Eltai aýyldyq okrýginiń elektr jelilerin damytýǵa arnalǵan jeke investitsiialyq baǵdarlama 2026–2027 jyldarǵa bekitildi.
Sýmen qamtý máseleleri de turaqty baqylaýda. Maýsym aiynyń basynda Kóktogan aýylyndaǵy sý aidaý stantsiiasynda oryn alǵan aqaý saldarynan sý berý ýaqytsha toqtatyldy. Jedel túrde sý avtotsisternalar arqyly jetkizilip, kelesi kúni jańa sý aidaý qondyrǵysy ornatyldy.
10 maýsymda 0,4 kV jelisinde bolǵan apat saldarynan sý berý taǵy da ýaqytsha toqtatyldy. «Alataý Jaryq Kompaniiasy» AQ mamandarynyń jedel áreketiniń arqasynda aqaý birneshe saǵat ishinde joiylyp, sý júiesi qalypty jumys rejimine oraldy.
Qazirgi tańda Kóktogan aýylyndaǵy sý júiesin qaita qurý jáne salý boiynsha jobalyq-smetalyq qujattama ázirlenýde. Sonymen qatar, Jarmuhambet, Eltai, Qaratóbe, Qairat jáne Shalqar aýyldarynda qurylys-montaj jumystary jalǵasýda. Bul jobalar myńdaǵan turǵyndy taza aýyz sýmen qamtamasyz etýge baǵyttalǵan.
Almaty oblysynda infraqurylymdyq máselelerge aldyn ala den qoiý printsipi júzege asyrylyp keledi. Jergilikti atqarýshy organdar jekelegen sheshimderden keshendi tásilge kóship, jańa nysandar salyp, eski jelilerdi aýystyryp, kommýnaldyq infraqurylymdy memlekettik balansqa birtindep engizýde.
«Bizdiń maqsatymyz – óńirdiń árbir turǵyny, meili ol qalada bolsyn, meili aýylda bolsyn, jaryq pen sý tapshylyǵyn sezinbeýi kerek. Biz infraqurylymdyq máselelerdi keshendi ári naqty túrde sheshýdi jalǵastyramyz – Kegennen Qarasaiǵa deiin», – dedi Almaty oblysynyń energetika jáne sýmen jabdyqtaý basqarmasynyń basshysy Aidyn Begimbekov.
Halyq sanynyń artýyna jáne kommýnaldyq júielerge túsetin qysymnyń kúsheiýine qaramastan, oblys aldaǵy syn-qaterlerge daiyn ekenin kórsetip, árbir turǵyn úshin qolaily ómir súrý jaǵdailaryn jasaýǵa umtylyp keledi.
