Qyzylorda oblysynda memlekettik mekeme qyzmetkerleri uiymdastyrǵan biýdjet qarajatyn uzaq jyl boiy jymqyrý shemasy áshkerelendi, dep habarlaidy Dalanews.kz.
Aýyldyq klýbtyń býhgalteri mekeme direktorymen birlesip, qyzmettik ókilettigin paidalaný arqyly 10 jyldai ýaqyt boiy biýdjet qarajatyn jymqyryp kelgen.
Qylmystyq áreket jumysshylarǵa jalaqyny artyq mólsherde aýdaryp, keiin túrli syltaýmen (qate esepteý, shot buǵattalýy jáne t.b.) sol qarajatty keri qaitaryp alý arqyly júzege asyrylǵan. Qyzmetkerlerdiń kópshiligi basshylyqtyń zańsyz áreketinen beihabar bolǵan.
Kúdiktiler 36 mln teńge jymqyrǵan, sol úshin sot olarǵa 7 jylǵa bas bostandyǵynan aiyrý jazasyn taǵaiyndaǵan. Sot býhgalterge "Qazaqstan Respýblikasy Konstitýtsiiasynyń otyz jyldyǵyna bailanysty raqymshylyq jasaý týraly" zańyna bailanysty jazanyń 1/3 bóligin qysqartyp, 4 jyl 8 ai merzimge bas bostandyǵynan aiyrý jazasyn belgilegen. Alaida sot aktileriniń zańdylyǵyn tekserý barysynda raqymshylyq týraly zań durys qoldanylmaǵany anyqtalǵan.
Osylaisha qylmystyq ister jónindegi kassatsiialyq sot apelliatsiialyq instantsiianyń qaýlysyn ózgertti. Býhgalterdiń jaza mólsheri 5 jyl 7 aiǵa ulǵaityldy.
