2025 jylǵy 1 shildeden bastap ekinshi deńgeidegi bankter, sheteldik bankterdiń filialdary, "Qazaqstannyń Damý banki" AQ jáne Ulttyq pochta QR Ulttyq Bankine bank shottarynyń ieleri týraly málimetterdi usynyp otyratyn bolady, dep habarlaidy Dalanews.kz.
Mundai talap QR Ulttyq Bankiniń 2025 jylǵy 22 mamyrdaǵy №26 qaýlysynda qarastyrylǵan.
Oǵan sákes, kommertsiialyq bankter Ulttyq Bankke eseptiliktiń mynadai túrlerin usynýǵa tiis:
- Banktik shot (salym) iesi týraly derekterdi alǵan nemese ózgertken kúnnen bastap 10 jumys kúni ishinde;
- Banktik shot (salym) sharty týraly esep, ol da 10 jumys kúni ishinde usynylady;
- Banktik
- shot týraly esep, ol da 10 jumys kúni ishinde usynylady;
- Banktik shot boiynsha operatsiialar týraly esep ai saiyn tapsyrylady, ony keiingi aidyń onynshy jumys kúninen keshiktirmei usynady.
Banktik shot iesi týraly esepte mynalar kórsetiledi:
- onyń iesi kim: jeke nemese zańdy tulǵa ma;
- týǵan jyly;
- jynysy;
- azamattyǵy;
- turǵylyqty jeri jáne t. b.
Banktik shot sharty týraly esepte mynalar kórsetiledi:
- salym somasy;
- salym qai valiýta ekendigi;
- salymdy ornalastyrý merzimi;
- paiyzdyq mólsherleme;
- merziminen buryn alý múmkindigi;
- mýlti valiýta ma;
- shot ashý kezinde deldaldyń bolýy jáne t. b.
Operatsiialar týraly esepte esepti kezeńdegi shottaǵy aqshanyń barlyq qozǵalysy týraly aqparat kórsetiledi:
- túsimder somasy;
- qarajattyń basqa jaqqa aýdarylýy (shyǵarylýy);
- eseptelgen paiyzdar somasy;
- qaldyq soma jáne t. b.
"Jeke tulǵalar jáne JK týraly aqparatty berý kezinde olardyń JSN-y derbes emes nómirge (DSN), al TAÁ bank shotynyń iesin sáikestendiretin kodqa (JSN) ózgertiletin bolady. Bul jeke derekterdi qorǵaý úshin jasalady. Alaida, Qarjy naryǵyn retteý jáne damytý agenttiginiń (QNRDA) suranysy boiynsha shot iesi týraly sáikestendirý derekterin jariia etý qorǵalǵan bailanys arnalary arqyly berilýi múmkin ekenin eskerý mańyzdy. Bul shara qarjy aǵyndaryn baqylaý, kiristerdi jylystatýǵa qarsy kúres jáne bank salasyndaǵy ashyqtyqty arttyrý úshin qabyldandy", delingen retteýshi organ habarlamasynda.
