1 qyrkúiekten bastap barlyq bilim berý uiymdarynda "Adal Azamat" biryńǵai tárbie berý baǵdarlamasy iske qosylady. Bul degenimiz jańa oqý jylynan bastap barlyq mektepterdiń, sonyń ishinde jekemenshik mektepterdiń de tárbie jumysy boiynsha biryńǵai talaptar negizinde jumys isteitinin bildiredi, dep habarlaidy Dalanews.kz.
Bul aldynda qoldanysta bolǵan "Birtutas tárbie" baǵdarlamasynyń qisyndy jalǵasy dep aitsaq ta bolady, biraq jańartylǵan mazmun men jańasha ataýǵa ie.
Baǵdarlama úilestirýshisi – Y.Altynsarin atyndaǵy UBA Oqý-aǵartý ministrliginiń 2025 jylǵy 26 mamyrdaǵy №123 buiryǵymen baǵdarlama resmi túrde jańa ataýmen qaita bekitilgenin naqtylaidy.
Basty maqsat – oqýshyny adal jáne eńbekqor azamat etip tárbieleý. Tárbie jumysy jalpyulttyq qundylyqtarǵa negizdeledi jáne mekteptiń, ata-analardyń jáne qoǵamnyń áriptestigin kúsheitedi. Mundai standarttar alǵash ret jekemenshik mektepterge mindettelýde.Bul teń jaǵdai jasaýǵa jáne eldiń barlyq túkpir-túkpirinde bir talaptar boiynsha tárbie jumysyn qamtamasyz etýge múmkindik beredi.
Barlyq mektepter úshin biryńǵai vizýaldy standart ázirlenetin bolady.
Intererler men ekstererler bilim berý keńistiginiń atmosferasy ulttyq tárbielik qundylyqtar men mádenietti sipattaityndai etip jasalady.
Tárbie protsesiniń barlyq qatysýshylaryn úilestirýge erekshe nazar aýdarylady. Mektepterdegi jumys bilik organdarymen, quqyq qorǵaý organdarymen, densaýlyq saqtaý jáne ishki saiasat qyzmetterimen ózara is-qimylda qurylatyn bolady.
Aidyń ár taqyryby sabaqtar men sabaqtan tys is-sharalardy qisyndy túrde bailanystyrady: ádilettilik, eńbekqorlyq, patriotizm jáne t.b. Ol úshin oqý protsesine "Ónegeli 15 minýt", kúi únindegi qońyraý, ulttyq oiyndar siiaqty formattar engiziledi.
Oqýshynyń tájiribesin synyptan tys keńeitýge erekshe nazar aýdarylady. Bul rette qorqytýdyń, quqyq buzýshylyqtardyń jáne balalar úshin basqa da qaýipterdiń aldyn alýǵa baǵyttalǵan burynnan kele jatqan jumystar men profilaktikalyq jobalar óz jalǵastyǵyn tabady.
