1 قىركٷيەكتەن باستاپ بارلىق بٸلٸم بەرۋ ۇيىمدارىندا "ادال ازامات" بٸرىڭعاي تەربيە بەرۋ باعدارلاماسى ٸسكە قوسىلادى. بۇل دەگەنٸمٸز جاڭا وقۋ جىلىنان باستاپ بارلىق مەكتەپتەردٸڭ, سونىڭ ٸشٸندە جەكەمەنشٸك مەكتەپتەردٸڭ دە تەربيە جۇمىسى بويىنشا بٸرىڭعاي تالاپتار نەگٸزٸندە جۇمىس ٸستەيتٸنٸن بٸلدٸرەدٸ, دەپ حابارلايدى Dalanews.kz.
بۇل الدىندا قولدانىستا بولعان "بٸرتۇتاس تەربيە" باعدارلاماسىنىڭ قيسىندى جالعاسى دەپ ايتساق تا بولادى, بٸراق جاڭارتىلعان مازمۇن مەن جاڭاشا اتاۋعا يە.
باعدارلاما ٷيلەستٸرۋشٸسٸ – ى.التىنسارين اتىنداعى ۇبا وقۋ-اعارتۋ مينيسترلٸگٸنٸڭ 2025 جىلعى 26 مامىرداعى №123 بۇيرىعىمەن باعدارلاما رەسمي تٷردە جاڭا اتاۋمەن قايتا بەكٸتٸلگەنٸن ناقتىلايدى.
باستى ماقسات – وقۋشىنى ادال جەنە ەڭبەكقور ازامات ەتٸپ تەربيەلەۋ. تەربيە جۇمىسى جالپىۇلتتىق قۇندىلىقتارعا نەگٸزدەلەدٸ جەنە مەكتەپتٸڭ, اتا-انالاردىڭ جەنە قوعامنىڭ ەرٸپتەستٸگٸن كٷشەيتەدٸ. مۇنداي ستاندارتتار العاش رەت جەكەمەنشٸك مەكتەپتەرگە مٸندەتتەلۋدە.بۇل تەڭ جاعداي جاساۋعا جەنە ەلدٸڭ بارلىق تٷكپٸر-تٷكپٸرٸندە بٸر تالاپتار بويىنشا تەربيە جۇمىسىن قامتاماسىز ەتۋگە مٷمكٸندٸك بەرەدٸ.
بارلىق مەكتەپتەر ٷشٸن بٸرىڭعاي ۆيزۋالدى ستاندارت ەزٸرلەنەتٸن بولادى.
ينتەرەرلەر مەن ەكستەرەرلەر بٸلٸم بەرۋ كەڭٸستٸگٸنٸڭ اتموسفەراسى ۇلتتىق تەربيەلٸك قۇندىلىقتار مەن مەدەنيەتتٸ سيپاتتايتىنداي ەتٸپ جاسالادى.
تەربيە پروتسەسٸنٸڭ بارلىق قاتىسۋشىلارىن ٷيلەستٸرۋگە ەرەكشە نازار اۋدارىلادى. مەكتەپتەردەگٸ جۇمىس بيلٸك ورگاندارىمەن, قۇقىق قورعاۋ ورگاندارىمەن, دەنساۋلىق ساقتاۋ جەنە ٸشكٸ ساياسات قىزمەتتەرٸمەن ٶزارا ٸس-قيمىلدا قۇرىلاتىن بولادى.
ايدىڭ ەر تاقىرىبى ساباقتار مەن ساباقتان تىس ٸس-شارالاردى قيسىندى تٷردە بايلانىستىرادى: ەدٸلەتتٸلٸك, ەڭبەكقورلىق, پاتريوتيزم جەنە ت.ب. ول ٷشٸن وقۋ پروتسەسٸنە "ٶنەگەلٸ 15 مينۋت", كٷي ٷنٸندەگٸ قوڭىراۋ, ۇلتتىق ويىندار سيياقتى فورماتتار ەنگٸزٸلەدٸ.
وقۋشىنىڭ تەجٸريبەسٸن سىنىپتان تىس كەڭەيتۋگە ەرەكشە نازار اۋدارىلادى. بۇل رەتتە قورقىتۋدىڭ, قۇقىق بۇزۋشىلىقتاردىڭ جەنە بالالار ٷشٸن باسقا دا قاۋٸپتەردٸڭ الدىن الۋعا باعىتتالعان بۇرىننان كەلە جاتقان جۇمىستار مەن پروفيلاكتيكالىق جوبالار ٶز جالعاستىعىن تابادى.
