Májilis depýtattary Senat engizgen birqatar túzetýlerdi maquldap, zań jobasyn qabyldady. Bul zań jobasynda, sonymen qatar zeinetaqy jinaqtaryn merziminen buryn alý týraly ereje de bar.
Osylaisha qazaqstandyqtar 2021 jyldyń 1 qańtarynan bastap zeinetaqy jinaǵynyń belgili bóligin baspana jaǵdaiyn jaqsartýǵa, em-dom alýǵa nemese jeke qarjy kompaniialardyń basqarýyna bere alady.
Bul talap ilgeride aityp ketkendei 2021 jyldyń 1 qańtarynan bastap kúshine enedi.
Jalpy, zań jobasy Memleket basshysynyń Joldaýyn júzege asyrýǵa jáne ekonomikalyq ósimdi qalpyna keltirýdiń keshendi josparynda kózdelgen sharalardy júzege asyrýǵa baǵyttalǵan.
Máselen, zań jobasynda investitsiia tartýdyń jańa quraly - investitsiialyq kelisim termini engiziledi. Odan bólek protsedýralardy ońtailandyrý jáne MJÁ (memlekettik-jekemenshik áriptestigi) tetikterin jetildirý qarastyrylǵan.
Kásipkerlik sýbektilerine qolaily jaǵdai jasaý úshin "Bir tereze" qaǵidaty negizinde "Biznes úshin úkimet" veb-portalyn engizý, sondai-aq Isker seriktester tizilimin engizý boiynsha tiisti fýnktsiia júkteledi. Al tamaq jáne jeńil ónerkásipte salynyp jatqan jańa nysandar úshin investitsiialar shegi eki esege azaiady.
Qarjy naryǵynyń turaqtylyǵyna sáikes sindikattalǵan nesie berý tetigi jetildiriledi. Bul birneshe bankter men halyqaralyq qarjy institýttaryna qaryz alýshyǵa bir kelisim boiynsha nesie berýge múmkindik beredi.
