18 qarashada aqsha aiyrbas oryndarynda 1 AQSh dollary 500 teńgeden satyla bastady. Ulttyq bank tóraǵasynyń orynbasary Áliia Moldabekova búgin osy jáne valiýta naryǵyndaǵy jaǵdaiǵa qatysty túsinikteme berdi, dep habarlaidy Dalanews.kz.
QR Ulttyq bank tóraǵasynyń orynbasary sońǵy ýaqytta ishki jáne syrtqy faktorlardyń jiyntyǵy teńgeniń álsireýine alyp kelgenin basa atap ótti.
"Syrtqy sektordaǵy jaǵdai áli de kúrdeli bolyp otyr. Bul joǵary qubylmalylyq pen jahandyq ekonomikalyq táýekelderdiń saqtalýymen bailanysty. AQSh dollary damyǵan jáne damýshy naryqtardyń valiýtalaryna qatysty nyǵaiýyn jalǵastyrýda. DXY indeksi qyrkúiek aiynan beri 5,5%-ǵa artyp, 106,2 tarmaqqa deiin jetti. EM valiýtalarynyń indeksi qyrkúiek aiynyń sońynan 4,1%-ǵa tómendedi", - deidi ol.
Onyń aitýynsha, munai naryǵynda da pessimistik kóńil-kúi baiqalyp otyr. Bul álemdik suranystyń baiaý qalpyna kelýi men OPEK+ tarapynan usynys ósiminiń kútilýine bailanysty. Sonyń nátijesinde munai baǵasy barreline 71-72 AQSh dollary deńgeiine deiin tómendedi.
"Ishki valiýta naryǵynda ekonomikalyq agentter tarapynan shetel valiýtasyna suranystyń artýy jáne valiýta naryǵynda, onyń ishinde kvazimemlekettik sektor tarapynan usynystyń shektelýi baiqalady. Shetel valiýtasyna suranystyń ósýi jalpy ekonomikalyq belsendiliktiń, onyń ishinde syrtqy ekonomikalyq belsendiliktiń artýyna bailanysty. Sondai-aq, oǵan biýdjet shyǵystarynyń artýy men kvazimemlekettik kompaniialardyń infraqurylymdyq jáne investitsiialyq jobalarǵa shyǵyndarynyń ulǵaiýy sep bolyp otyr. Osy faktordyń barlyǵy jiyntyǵynda importtyń ósýine, sáikesinshe, shetel valiýtasyna suranystyń artýyna yqpal etedi", - deidi Áliia Moldaǵulova.
Ol valiýta naryǵyndaǵy suranys pen usynys teńgeriminiń buzylýy investitsiialyq ahýalǵa keri áserin tigizip, investitsiialyq jobalardyń qymbattaýyna jáne jalpy infliatsiialyq qysymnyń artýyna alyp keletinin aitady.
"Osyǵan bailanysty valiýta naryǵyndaǵy teńgerimdilikti arttyrý maqsatynda kvazimemlekettik sektor sýbektileriniń valiýtalyq túsimderiniń 50%-yn mindetti túrde satý talaby qaita engiziledi. Qazaqstan Respýblikasy Úkimetiniń tiisti qaýlysy men Ulttyq banktiń buiryǵy ázirlenip, jaqyn kúnderi qabyldanady. Buǵan deiin bul talap 2023 jyldyń tamyzyna deiin qoldanysta bolǵan, alaida makroekonomikalyq jaǵdaidyń ózgerýine bailanysty ýaqytsha toqtatylǵan edi. Sonymen birge, bul talap shoktardy báseńdetý úshin jedel qoldanýǵa bolatyn tiimdi qural bolyp tabylady", dep sózin naqtylaidy Ulttyq bank tóraǵasynyń orynbasary.
Aita ketsek,ótken aptanyń sońynda Ulttyq bank ishki valiýta naryǵyndaǵy jaǵdaidy qadaǵalap otyrǵanyn naqtylady. "Aǵymdaǵy úrdister, ásirese, spekýliativti kóńil-kúi saqtalǵan jaǵdaida, ádil baǵam qalyptastyrýdy qalpyna keltirý úshin jáne ulttyq valiýta baǵamynyń kúrt ózgerýine jol bermeý úshin Ulttyq Bank jedel áreket etip, valiýtalyq interventsiia júrgizýge daiyn", delingen Ulttyq bank túsiniktemesinde.
