Қонаев қаласында көшелер мен аулаларды абаттандыру мақсатында жыл сайын «Халық қатысатын бюджет» жобасы жүзеге асады, - деп хабарлайды Dalanews.kz
Аталған жобаның басты артықшылығы – кез келген тұрғын абаттандыру бойынша әкімдіктің ресми сайтында өтінім қалдыра алады. Биыл 20 жоба жүзеге асады деп жоспарлануып отыр. Қазіргі таңда өтініштер қабылданып жатыр.
Бұл жобалардың аясында:
- Қаланы көгалдандыру және көріктендіру;
- Қоғамдық кеңістіктерді абаттандыру;
- Жалпыға ортақ пайдаланылатын орындарды (саябақтар, скверлер, жаяу жүргіншілер аймақтары және т. б.) құру, жөндеу және жарықтандыру;
- Бордюрлерді, тас төсеніштерін ауыстыру, жарық бағаналарын жөндеу;
- Қоқысты жинау және өңдеу мақсатында полигондарды жою;
- Балалар ойын алаңдары мен түрлі сәулеттік нысандар, қоқыс жәшіктерін, демалыс орындарын (беседка) орнату және жөндеу;
- Аулаларда және қоғамдық орындарда спорттық алаңдар орнату, жөндеу, жарықтандыру;
- Тротуарларды, пандустарды, арықтарды салу және жөндеу;
- Санитария деңгейін қамтамасыз ету мақсатында тиісті шаралар қабылдау көзделіп отыр.
Естеріңізге сала кетейік, былтыр аталған жоба аясында 10 аумақ жаңартылып, тұрғындарға қолайлы орта жасалды.
