قونايەۆ قالاسىندا كوشەلەر مەن اۋلالاردى اباتتاندىرۋ ماقساتىندا جىل سايىن «حالىق قاتىساتىن بيۋدجەت» جوباسى جۇزەگە اسادى، - دەپ حابارلايدى Dalanews.kz
اتالعان جوبانىڭ باستى ارتىقشىلىعى – كەز كەلگەن تۇرعىن اباتتاندىرۋ بويىنشا اكىمدىكتىڭ رەسمي سايتىندا ءوتىنىم قالدىرا الادى. بيىل 20 جوبا جۇزەگە اسادى دەپ جوسپارلانۋىپ وتىر. قازىرگى تاڭدا وتىنىشتەر قابىلدانىپ جاتىر.
بۇل جوبالاردىڭ اياسىندا:
- قالانى كوگالداندىرۋ جانە كورىكتەندىرۋ؛
- قوعامدىق كەڭىستىكتەردى اباتتاندىرۋ؛
- جالپىعا ورتاق پايدالانىلاتىن ورىنداردى (ساياباقتار، سكۆەرلەر، جاياۋ جۇرگىنشىلەر ايماقتارى جانە ت. ب.) قۇرۋ، جوندەۋ جانە جارىقتاندىرۋ؛
- بورديۋرلەردى، تاس توسەنىشتەرىن اۋىستىرۋ، جارىق باعانالارىن جوندەۋ؛
- قوقىستى جيناۋ جانە وڭدەۋ ماقساتىندا پوليگونداردى جويۋ؛
- بالالار ويىن الاڭدارى مەن ءتۇرلى ساۋلەتتىك نىساندار، قوقىس جاشىكتەرىن، دەمالىس ورىندارىن (بەسەدكا) ورناتۋ جانە جوندەۋ؛
- اۋلالاردا جانە قوعامدىق ورىنداردا سپورتتىق الاڭدار ورناتۋ، جوندەۋ، جارىقتاندىرۋ؛
- تروتۋارلاردى، پاندۋستاردى، ارىقتاردى سالۋ جانە جوندەۋ؛
- سانيتاريا دەڭگەيىن قامتاماسىز ەتۋ ماقساتىندا ءتيىستى شارالار قابىلداۋ كوزدەلىپ وتىر.
ەستەرىڭىزگە سالا كەتەيىك، بىلتىر اتالعان جوبا اياسىندا 10 اۋماق جاڭارتىلىپ، تۇرعىندارعا قولايلى ورتا جاسالدى.
