Аудандық бюджеттен 2018 жылға 30 елді мекенге ауыз су беру мақсатында су жүйелері мен ұңғымаларын күтіп ұстау және ағымдағы жөндеу жұмыстарына 175 млн. 961 мың теңге қаралып, қазіргі таңға 106 млн. 200 мың теңгесі игерілді.
Үстіміздегі жылы аудандағы екі елді мекеннің (Арыстанды, Боралдай ауылы) ауыз су жүйесінің құрылысына жобалық сметалық құжаттамасы әзірленіп, құрылыс монтаж жұмыстарын жүргізу үшін бюджеттен қаржы қарастырылды. Сол сияқты Жусансай елді мекені ауыз су жүйесі құрылысына жобалық сметалық құжаттамасы әзірленіп, құрылыс жұмыстарын жүргізу үшін салалық басқармаға тиісті құжаттары ұсынылған.
Ал Кемер, Ақсары, Нұра және Қызылсеңгір аулдарына ауыз су жүйесінің құрылыс жұмыстарын жүргізу жобалық-сметалық құжаттамасы әзірленіп, сараптамадан өткізу жұмыстары жүргізілуде. Аққойлы, Сарытоғай және Қарабастау елді мекендеріне ауыз су жүйесі құрылысына сәулет жоспарлау тапсырмасы /АПЗ/ әзірленген.
Аудандық бюджеттен ЖСҚ әзірлеуге қаржы қарастырылды. Қараспан ауылының ауыз су қорын зерттеуге ЖСҚ дайындалып, су қорын зерттеуге облыстық бюджеттен қаржы қарастырылған. Қазіргі уақытта су қоры зерттелуде. Қараспан ауыл округіне қарасты алты елді мекенге Бейсен, Сарыарық, Мақташы, Жұлдыз, Ынтымақ және Мәдениет бұрғылау жұмыстарына ЖСҚ әзірлеуге облыстық бюджеттен қаржы қаралып, ЖСҚ әзірленуде.
2021 жылы ауданды 100 пайыз сапалы ауыз сумен қамту жоспарлануда
Dalanews.kz
